25.02.2015
Í dag var stóra upplestrarhátíðin í Síðuskóla. Níu fulltrúar nemenda úr 7. bekk lásu kafla úr sögu og
ljóð fyrir samnemendur í 7. bekk, 6. bekk og foreldra. Þarna voru valdir tveir nemendur, Róbert Orri Gautason og Birgitta Rún Steingrímsdóttir og
einn til vara, Viktor Már Árnason.
Þau verða fulltrúar Síðuskóla í aðalkeppninni á Akureyri sem haldin verður þann 11. mars næstkomandi í
hátíðarsal Menntaskólans á Akureyri að Hólum. Hér má sjá myndir
frá keppninni.
Lesa meira
17.02.2015
Í dag var tilkynnt um úrslit í 100 miða leiknum. Það var ein lína, eða 10 krakkar dregnir út úr 100 miða töflunni.
Því miður var einn nemandi af þeim sem dregnir voru út veikur í dag en viðkomandi fær í staðinn glaðning í næstu viku.
Þessir flottu krakkar fóru með stjórnendum í Ísbúð Akureyrar og fengu ís í
viðurkenningarskyni.
Lesa meira
12.02.2015
Árshátíð skólans fór mjög vel fram og voru allar sýningar vel sóttar. Myndir voru teknar af öllum sýningum og á
böllunum líka. Þær myndir má
finna hér, þær bætast við fljótlega eftir að hverri
sýningu lýkur.
Lesa meira
10.02.2015
Það hefur væntanlega ekki farið fram hjá neinum að framundan er árshátíð Síðuskóla. Dagarnir 12. og 13. febrúar
verða vonandi fullir af gleði og skemmtun fyrir alla sem að árshátíðunum koma. Athugið að hefðbundið skólastarf fellur niður
þessa daga en nemendur mæta á sínar sýningar og árshátíð hvers stigs. Ákveðnir bekkir taka þátt í
undirbúningi og mæta á fimmtudagsmorgni.
Hér fyrir neðan má sjá upplýsingar um kostnað á árshátíðinni.
Kaffihlaðborðið víðfræga verður á sínum stað og kostar kr. 1.000 fyrir fullorðna og 500 fyrir börn á
grunnskólaaldri.
Árshátíð 1.-4. bekk enginn aðgangseyrir.
Árshátíð 5.-7. bekk kr. 500 á ballið.
Árshátíð 8.-10. bekk kr. 1.000 á ballið.
Sjoppan verður opin og verð á sælgæti er:
Bland í poka 150 kr.
Sleikjó 50 kr.
Mars 150 kr.
KitKat 150 kr.
Þristur 100 kr.
Refreshers 100 kr.
Svali 100 kr.
Gosdós 200 kr.
Kristall og Mix 250 kr.
Lesa meira
09.02.2015
Hér má sjá skipulag á sýningum á árshátíð Síðuskóla 2015,
þar kemur fram að foreldrasýningar eru á fimmtudag og föstudag. Vinsamlegast farið yfir til að sjá hvenær ykkar börn eru að sýna og
hvenær þau eru á sinni árshátíð.
Lesa meira
06.02.2015
Nemendur og kennarar í 7. bekk er komnir til baka eftir vel heppnaða dvöl að Reykjum í Hrútafirði.
Hér má sjá nokkrar myndir úr ferðinni.
Lesa meira
03.02.2015
Hér má finna nýútkomið fréttabréf Síðuskóla, bréf 7, 01.02.2015.
Lesa meira
02.02.2015
Þorgrímur Þráinsson rithöfundur kom í árlega heimsókn til nemenda í 10. bekk í morgun.
Hann ræddi við unglingana um lífið og tilveruna og að hver og einn væri ábyrgur fyrir því að gera sitt besta úr sínu
lífi. Á myndunum má sjá áhugasama nemendur fylgjast með fyrirlestrinum.
Lesa meira
02.02.2015
Í morgun lögðu glaðir og reifir 7. bekkingar af stað í skólabúðir í Reykjaskóla í Hrútafirði. Í vikunni munu
nemendur m.a. fara að Bjargi í Miðfirði á fæðingarstað Grettis ,,sterka" Ásmundssonar. Þar er nemendum sögð sagan og þeir
fá innsýn í starf bóndans á Bjargi. Aðrir dagskrárliðir eru að mestu óbreyttir en nú er samkennsla í
náttúrufræði og stöðvaleik þar sem nemendur fá fræðslu um fjöruna og Reykjatangann, þ.e. um Héraðsskólann,
hersetuna, heita vatnið og margt fleira. Þessi fræðsla fer fram bæði inni og úti eins og heimsóknin að Bjargi.
Við óskum krökkunum ánægjulegrar dvalar í Reykjaskóla og hlökkum til að sjá
þá aftur n.k. föstudag um fjögurleytið.
Hér má sjá nokkrar myndir sem voru teknar
þegar krakkarnir voru að koma sér af stað í myrkrinu í morgun.
Lesa meira
29.01.2015
9. bekkur fékk í dag góða gesti í
lífsleikni. Þar voru á ferðinni Lísa Björk Gunnarsdóttir læknaritari og Eggert Sæmundsson flugmaður. Erindi
þeirra var að kynna nám sitt og starf og tengist það náms- og starfsfræðslu sem námsráðgjafi hefur veg og vanda að í
samráði við umsjónarkennara.
Nemendur voru að vanda áhugasamir og spurðu heilmikið enda
áhugaverð störf, sjá myndir hér.
Lesa meira
