ÍSAT

Bókaverðlaun barnanna voru afhent í Borgarbókasafninu í Grófinni sumardaginn fyrsta, þann 23. apríl. Verðlaunin eru afhent einu sinni á ári og öll börn á landinu geta tekið þátt í valinu. Þær bækur hljóta verðlaunin sem fá flest atkvæði, svo einfalt er það. Þá eru nokkrir krakkar, sem taka þátt í kjörinu, valdir af handahófi og hljóta viðurkenningu fyrir. Í ár eru það bækurnar Þín eigin þjóðsaga eftir Ævar Þór Benediktsson (Forlagið gaf út) og Dagbók Kidda klaufa: Kaldur vetur eftir Jeff Kinney (Tindur gaf út), í þýðingu Helga Jónssonar, sem hljóta verðlaunin. Þeir Ævar og Helgi tóku á móti verðlaununum og hittu nokkra af krökkunum sem fengu viðurkenningu í ár.  Á Akureyri og nágrenni var einn nemandi í hverjum grunnskóla dreginn út. Í Síðuskóla var sá heppni Elvar Máni Ólafsson í 6. bekk og fékk hann í verðlaun bestu íslensku barnabókina að mati nemenda, Þín eigin þjóðsaga eftir Ævar Þór Benediktsson. Úrslit á Norðurlandi eru aftirfarandi  1.     Þín eigin þjóðsaga 149 atkvæði 2.     Gula spjaldið í Gautaborg   141 atkvæði  3.     Dagbók Kidda klaufa 6  107 atkvæði 4.     Rottuborgari    77 atkvæði 5.     Hjálp      75 atkvæði 6.     Fjörfræðibók Sveppa    73 atkvæði 7.     Vísindabók Villa 2    68 atkvæði 8.     Skrifað í stjörnurnar    67 atkvæði 9.     Paddington  65 atkvæði 10.  Fótboltaspurningar   44 atkvæði Fjöldi skóla sem tók þátt var 6 og einnig tóku gestir Amstbókasafnsins á Akureyri þátt. Fjöldi nemenda sem tóku þátt var 626. Hér má sjá nokkrar myndir.

Heimili og skóli óska eftir tilnefningum til foreldraverðlauna 2015. Hér má lesa nánar um verðlaunin. Tilnefningar óskast fyrir 6. maí 2015.

Áfram Síðuskóli! Í morgun lögðu bæði keppnislið og stuðningsmenn af stað suður í úrslitakeppnina í skólahreysti. Þeir nemendur sem öttu kappi fyrir hönd Síðuskóla þau Elmar, Ágústa, Hrund og Snævar stóðu sig með prýði. Við í Síðuskóla megum vera stolt af þessum flottu krökkum sem lagt hafa mikið á sig við æfingar síðustu vikur. Skólinn endaði i 8. sæti í úrslitakeppni á landsvísu sem er glæsilegur árangur. Til hamingju Síðuskóli!

Á morgun 23. apríl er sumardagurinn fyrsti og óskar starfsfólk Síðuskóla nemendum, foreldrum og öðrum velunnurum skólans gleðilegs sumar.

Í morgun var lokahátíð Litlu upplestrarkeppninnnar haldin í 4. bekk. Nemendur lásu upp ljóð, þulur og sögur og sýndu hvað þeir hafa lært í vetur í framsögn og tjáningu. Allir stóðu sig með sóma og skiluðu sínu vel. Tónlistaratriði voru á milli atriða  þar sem fjórar stúlkur í bekknum spiluðu á píanó, klarinett og þverflautu.   Til hamingju með árangurinn nemendur í 4. bekk. 

Föstudagurinn 27. mars er síðasti kennsludagur fyrir páskafrí. Kennsla hefst aftur samkvæmt stundaskrá þriðjudaginn 7. apríl.  Við óskum nemendum og fjölskyldum þeirra gleðilegra páska og vonum að páskaleyfið verði ánægjulegt. Starfsfólk Síðuskóla  

Hér má sjá myndir frá starfskynningu 8. bekkinga í dag. Mikið var lagt upp úr því að vanda til verks en nemendur heimsóttu fjölbreytta vinnustaði og útbjuggu kynningarbás frá hverjum stað. Síðan var foreldrum og starfsmönnum boðið í heimsókn til að sjá afraksturinn.

Nemendur í 3. bekk voru með sýningu fyrir foreldra og forráðamenn sína og sögðu þeim frá því hvað þau væru búin að vera vinna að síðan um jólin. Nemendur sýndu m.a. frjálsan útsaum, vefnað, þæfingu og  jeppa sem er í smíðum. Einnig sögðu þau frá uppfinningum sem þau hafa verið að hanna sl. daga. Foreldrar og forráðamenn gæddu sér svo á vöfflum sem nemendur höfðu bakað. Hér má sjá nokkrar myndir af verkefnunum þeirra.

Nemendur skólans halda upp á síðasta skóladag fyrir páska með leik þvert á bekkjardeildir. Hver nemandi fær persónu úr ævintýri og finnur félaga sína. Síðan er farið inn í sal þar sem „ævintýrið“ fær uppgefið stofunúmer og bækur um ævintýrið. Þegar í stofuna er komið lesa þau saman eða hvort fyrir annað, teikna persónurnar og lita, horfa á mynd eða myndbrot um ævintýrið. Tvö „ævintýri“ eru í hverri stofu.  Nemendaráð hefur haft veg og vanda af skipulagningu leiksins. Þetta er annað árið sem við leikum þennan leik og verður gaman að sjá hvernig gengur.  Hér má sjá myndir frá deginum

Í dag var tilkynnt um úrslit í árlegri lestrarkeppni milli 4. og 5. bekkjar. Keppnin stóð frá 2. - 18. mars og krakkarnir lásu samtals 28858,5 blaðsíður.  Ísafold Kelley í 5. HB fékk viðurkenningu fyrir mjög góðan árangur. Í hverjum bekk fékk einn nemandi sérstaka viðurkenningu fyrir dugnað og þrautseigju þau hlutu Arnviður Bragi Pálmason 4. MB, Thomas Árni Black 4. SES, Hildur Arnarsdóttir 5. HB og Klara Fönn Arnedóttir 5. JÁ.  Síðan voru veitt viðurkenningarskjöl og bókaverðlaunin Stiklað á stóru um býsna margt eftir Bill Bryson til lestrarhesta sem eru þeir nemendur sem lásu mest og til þeirra sem sýndu mestan dugnað og þrautseigju. Lestrarhestarnir eru Páll Kristþór Sveinsson í 4. MB, Kristín Lind Arnþórsdóttir í 4. SES, B. Irena Sunna Björnsdóttir í 5. HB og Sigrún Lilja Jóhannsdóttir í 5. JÁ. Þeir sem hlutu viðurkenningu fyrir mestan dugnað og þrautseigju eru Kristjana Rán Arnardóttir í 4. MB, Jóhanna María Gunnarsdóttir í 4. SES, Magnús Máni Ólafsson í 5. HB og Aron Daði Björnsson í 5. JÁ. Að lokum var tilkynnt um úrslit í bekkjarkeppninni en í þetta sinn vann 5. bekkur og varði titil sinn frá því í fyrra þegar hópurinn var í 4. bekk. Hér má sjá fleiri myndir.