ÍSAT

Svíþjóðarferð Föstudaginn 15. maí lagði forritunarhópurinn af stað klukkan þrjú frá Síðuskóla. Ferðinni var heitið til Svíþjóðar að heimsækja vini okkar í Södertörns Friskola. Við ókum sem leið lá í Flugstöð Leifs Eiríkssonar. Þegar komið var í flugstöðina þurftum við að bíða þó nokkurn tíma en flugum frá Íslandi klukkan 1:15 um nóttina og lentum klukkan 6 á Arlanda (tímamismunur 2 tímar). Við ferðuðumst með lestum til gestgjafa okkar og svo heim með þeim. Þegar þarna var komið við sögu var kominn laugardagsmorgunn í Svíþjóð en margir hjá okkur ósofnir. Við lögðum okkur til hádegis en þá fórum við ýmist í skemmtigarð eða í búðir. Á sunnudeginum fengum við kynningu á skólanum og umhverfi hans en höfðum síðan frí. Við heimsóttum skólann á mánudegi og hittum þá krakkana og kennarana.  Við unnum þar saman í verkefnum, mest að leikjunum og fréttaskráningu en fórum líka í tíma sem var fint.    Dagarnir hafa liðið hratt og mikið að gerast. Við erum stanslaust að gera eitthvað skemmtilegt og kynnast nýjum krökkum og hefðum og venjum. Okkur líður vel hér og vildum gjarnan taka ýmislegt upp sem er við lýði hér í skólanum í Huddinge í Sverge. En þegar öllu er á botninn hvolft er fínt að vera í Síðuskóla. Bestu kveðjur frá Sverge,Fréttamannateymið

Síðustu vikur hafa nemendur í 1. bekk fræðst um húsdýrin. Í morgun buðu þeir foreldrum í heimsókn og sýndu þeim afrakstur vinnunnar. Krakkarnir sögðu dótasögu, sungu og sýndu ýmis flott verkefni sem þeir hafa unnið.    Hér má sjá myndir

Í dag héldu 15 nemendur  af unglingastigi ásamt þremur kennurum til Svíþjóðar, n.t.t. til  Södertörns Friskola sem er staðsettur rétt fyrir utan Stokkhólm. Verið er  að endurgjalda heimsókn sænskra nemenda  til okkar í nóvember sl. Fréttir af ferðinni munu birtast á heimasíðunni næstu daga.  Hér má sjá myndir af flestum ferðalöngunum. 

Síðstliðinn föstudag var  tilkynnt um úrslit í keppninni um að minnka matarsóun. Þeir sem sóuðu minnstum mat í skólanum voru nemendur í 1. bekk. Í öðru sæti var 10. bekkur og í 3. sæti var 2. bekkur. 1. bekkur fékk í verðlaun popp, svala og að horfa á bíómynd.  Eftir þetta var söngsalur í boði nemendaráðs þar sem allir sungu saman ýmis þekkt íslensk lög.  Myndir má sjá hér. 

Vorhátíð Foreldra- og kennarafélags Síðuskóla verður haldin sunnudaginn 10. maí næstkomandi kl. 14:00 – 16:00. Nemendur í verðandi 1. bekk eru boðnir sérstaklega velkomnir en hér eru nánari upplýsingar til þeirra. Þarna verður hin vinsæla tombóla (kr. 100.- miðinn), kaffi og kökur. Einnig verða grillaðar pylsur í innigarðinum. Hoppukastali verður á staðnum og boðið verður upp á andlitsmálun. Andlitsmálunin mun byrja snemma svo þú getir látið mála þig áður en hátíðin sjálf byrjar. Kaffihlaðborð: Fullorðnir kr. 500, börn 6-16 ára kr. 250, börn 0-5 ára frítt, safi kr. 50 Grill og fleira: Pylsa og safi kr. 150, popp og safi kr. 150 PS: við erum EKKI með posa Vonumst til að sjá sem flesta Foreldra- og kennarafélag Síðuskóla

Það var fjölmennt í 5. bekkjarstofunum í morgun þar sem nemendur kynntu söguverkefni fyrir foreldrum sínum. Nemendur voru með glærusýningar og fréttabréf. Í lokin var svo slegið upp dýrindis kökuveislu og allir fóru glaðir og mettir heim. Myndir frá kynningunni.

Í dag komu glaðbeittir og spenntir tilvonandi 1. bekkingar í heimsókn í fylgd með foreldrum. Þeir hittu verðandi kennara sína þær Önnu Sigrúnu Rafnsdóttur og Margréti Bergmann Tómasdóttur í skólastofu. Á meðan hlýddu foreldrarnir á kynningu á skólanum hjá Ólöfu skólastjóra og fleirum á sal skólans. Sjá hér myndir frá móttökunni. 

Bókaverðlaun barnanna voru afhent í Borgarbókasafninu í Grófinni sumardaginn fyrsta, þann 23. apríl. Verðlaunin eru afhent einu sinni á ári og öll börn á landinu geta tekið þátt í valinu. Þær bækur hljóta verðlaunin sem fá flest atkvæði, svo einfalt er það. Þá eru nokkrir krakkar, sem taka þátt í kjörinu, valdir af handahófi og hljóta viðurkenningu fyrir. Í ár eru það bækurnar Þín eigin þjóðsaga eftir Ævar Þór Benediktsson (Forlagið gaf út) og Dagbók Kidda klaufa: Kaldur vetur eftir Jeff Kinney (Tindur gaf út), í þýðingu Helga Jónssonar, sem hljóta verðlaunin. Þeir Ævar og Helgi tóku á móti verðlaununum og hittu nokkra af krökkunum sem fengu viðurkenningu í ár.  Á Akureyri og nágrenni var einn nemandi í hverjum grunnskóla dreginn út. Í Síðuskóla var sá heppni Elvar Máni Ólafsson í 6. bekk og fékk hann í verðlaun bestu íslensku barnabókina að mati nemenda, Þín eigin þjóðsaga eftir Ævar Þór Benediktsson. Úrslit á Norðurlandi eru aftirfarandi  1.     Þín eigin þjóðsaga 149 atkvæði 2.     Gula spjaldið í Gautaborg   141 atkvæði  3.     Dagbók Kidda klaufa 6  107 atkvæði 4.     Rottuborgari    77 atkvæði 5.     Hjálp      75 atkvæði 6.     Fjörfræðibók Sveppa    73 atkvæði 7.     Vísindabók Villa 2    68 atkvæði 8.     Skrifað í stjörnurnar    67 atkvæði 9.     Paddington  65 atkvæði 10.  Fótboltaspurningar   44 atkvæði Fjöldi skóla sem tók þátt var 6 og einnig tóku gestir Amstbókasafnsins á Akureyri þátt. Fjöldi nemenda sem tóku þátt var 626. Hér má sjá nokkrar myndir.

Heimili og skóli óska eftir tilnefningum til foreldraverðlauna 2015. Hér má lesa nánar um verðlaunin. Tilnefningar óskast fyrir 6. maí 2015.