ÍSAT

Frá almannavarnadeild ríkislögreglustjóra og landlæknisembættinu:

Við höfum fengið ábendingu um að hópamyndum unglinga á leiksvæðum að kvöldlagi hefur verið að aukast. Ástæðan er líklega gott veður og þær jákvæðu fréttir sem hafa verið að berast af þróun mála hjá okkur. Það er aftur á móti mjög mikilvægt að við höldum fókus og sofnum alls ekki á verðinum.

Foreldrum er bent á mikilvægi þess að halda áfram að fara eftir fyrirmælum og sporna gegn allri hópamyndum.

Góðan daginn.
Eins og fram hefur komið síðustu daga eru sérstakar aðstæður uppi í samfélaginu. Það á einnig við um okkur hér í skólanum og eins og staðan er núna vinnur unglingastigið heima í óákveðinn tíma. Nemendur í 5.-7. bekk mæta í skólann annan hvern dag en vinna heima hina dagana. Við höfum því sett upp stuðningssíðu til að auðvelda nemendum og foreldrum aðgengi að námsefni og upplýsingum. Á henni er hægt að finna upplýsingar um námið ásamt þeim verkefnum sem kennarar leggja til. Þó við séum ekki með hefðbundinn skóladag eiga allir að hafa aðgengi að efni. Síðasta vika gekk mjög vel og fundum við vel að allir ætla að vinna saman að því verkefni sem við stöndum frammi fyrir. Það er því mikilvægt að vera í góðu sambandi við skólann og kennarana til að hafa sem bestar upplýsingar um nám nemanda meðan á þessu fyrirkomulagi stendur. Ef nemendur hafa ekki aðgang að tölvu þá er hægt að fá lánaða chromebook tölvu hjá okkur. Á stuðningssíðunni er hægt að sækja um að fá lánaða tölvu.

Hér er að finna hlekk á vefsíðuna, einnig er búið að setja flýtihnapp hér fyrir ofan á heimasíðunni.
https://sites.google.com/siduskoli.is/fjarnam/heim

Bestu kveðjur,
stjórnendur Síðuskóla

Skólahald verður með öðru sniði næstu vikur. Hér er að finna upplýsingar varðandi skipulag sem tekur gildi frá og með morgundeginum, 17. mars. 

Sendur hefur verið póstur heim með skipulaginu. Mikilvægt er að farið sé vel yfir skipulagið með nemendum áður en þeir mæta í skólann. Einnig biðjum við fólk um að fylgjast vel með tölvupósti og heimasíðu því skipulagið getur breyst með stuttum fyrirvara. 

Ef einhverjar spurningar vakna hvetjum við ykkur til að vera í sambandi í gegnum tölvupóst eða síma en öll umferð um skólann verður takmörkuð eins og mögulegt er við starfsfólk og nemendur. 

Rétt er að árétta að matur verður einungis í boði fyrir nemendur í 1.-3. bekk.

Hér er bréf sem sent var foreldrum og forráðamönnum.

Eins og komið hefur fram í fjölmiðlum í dag hefur heilbrigðisráðherra ákveðið að virkja heimildir sóttvarnalaga sem fela m.a. í sér að skólahald verður takmarkað tímabundið. Nánari útfærslur verða unnar samkvæmt tilmælum stjórnvalda.

 Í ljósi þessa hefur verið ákveðið að mánudaginn 16. mars verði starfsdagur í leik- og grunnskólum Akureyrarbæjar svo stjórnendur og starfólk geti skipulagt skólastarfið sem best á þessu tímabili sem takmörkunin nær til.

 Foreldrar leik- og grunnskólabarna eru beðnir að fylgjast vel með upplýsingum sem birtast munu um helgina og á mánudaginn m.a. á heimasíðu Akureyrarbæjar og heimasíðum grunn- og leikskóla.