ÍSAT

Komin eru út fræðslumyndir frá Samgöngustofu er varða umferðaröryggi, tenglar á þessi myndbönd eru hér að neðan.

Fræðslumynd um rafhlaupahjól
Vinsældir rafhlaupahjóla hafa aukist mikið að undanförnu hér á landi enda frábær farartæki séu þau notuð rétt. Þau tilheyra flokki reiðhjóla og um þau gilda sömu reglur og um reiðhjól að því undanskyldu að þeim má ekki aka á akbraut. Í þessu myndbandi er farið yfir mikilvæg atriði varðandi notkun þeirra og öryggi. Hér má nálgast fræðslumyndina með íslenskum, enskum og pólskum texta.

Fræðslumynd um öryggi barna í bíl
Á hverju ári verða atvik í umferðinni hér á landi þar sem sérstakur öryggisbúnaður kemur í veg fyrir alvarleg slys á börnum. Í þessu myndbandi er farið yfir mikilvæg atriði varðandi öryggi barna í bíl. Öryggi barna er á okkar ábyrgð - það er engin bílferð svo stutt að við getum gefið afslátt af því. Hér má nálgast fræðslumyndina með íslenskum, enskum og pólskum texta.

Fræðslumynd um ljósabúnað
Ökutæki með ljósin kveikt eru mun sýnilegri í umferðinni, auk þess lýsa þau upp endurskin gangandi og hjólandi vegfarenda. Í þessu myndbandi er farið yfir ýmis atriði varðandi ökuljós og mikilvægi þess að öll ljósin á bílnum séu kveikt. Hér má nálgast fræðslumyndina með íslenskum, enskum og pólskum texta.

Samkvæmt nýrri reglugerð sem gefin var út miðvikudaginn 31. mars þá hefst skólastarf samkvæmt stundaskrá þann 6. apríl. Þessi reglugerð gildir til og með 15. apríl. Við erum búin að skipuleggja skólastarfið en þær breytingar snúa helst að innra starfi þannig að það hefur ekki áhrif á skóladag nemenda nema að litlu leyti. Við erum nú orðin öllu vön í þessu ferli og erum fljót að aðlaga okkur breytingum.
Skólastarf hjá nemendum helst óbreytt en samval hjá unglingadeildinni fellur niður meðan þessi reglugerð er í gildi. Allir nemendur sem eru skráðir í mat fá að borða. Við erum búin að hólfaskipta matsalnum.
Við minnum svo á almennar sóttvarnir og halda börnum heima ef þau eru veik eða með einkenni um veikindi.
Lokað er fyrir heimsóknir í skólann annarra en starfsmanna. Hér fyrir neðan er hægt að skoða reglugerðina og skjal um covid viðvörunarkerfi fyrir skóla-og frístundarstarf.
Með kveðju og von um ljúfa frídaga sem eftir eru af páskaleyfinu!
 

Viðvörunarkerfi fyrir skóla- og frístundastarf

Reglugerð um skólastarf frá 1. apríl til og með 15. apríl

Kæru foreldrar. Eins og fram kom í fréttum í dag hefur grunnskólum landsins verið lokað fram að 6. apríl frá og með morgundeginum. Þar af leiðandi er ekki útivistardagur eða skóli á morgun. Frístund verður einnig lokuð þennan tíma.

Hafið það gott um páskana

Bestu kveðjur f.h. stjórenda,

Marías deildarstjóri.

Við gerum ráð fyrir því að á morgun, fimmtudag verði útivistardagur. Við munum fara í Hlíðarfjall. Staðan verður tekin í fyrramálið og upplýsingar settar á heimasíðuna.