ÍSAT

Vettvangsferðir eru hluti af skólastarfinu hjá okkur í Síðuskóla og brjóta upp starfið á skemmtilegan hátt. Nýlega fóru nemendur úr 3. bekk í heimsókn á Listasafnið á Akureyri og unnu þar verkefni ásamt því að skoða 4 listasýningar. Starfsmenn þar höfðu á orði að þau hefðu verið áhugasöm, hugmyndarík og fróðleiksfús. Flottir fulltrúar skólans þar á ferð!

Í morgun var haldin rýmingaræfing í skólanum í samstarfi við Slökkvilið Akureyrar. Settur var reykur á D gang og brunakerfið sett í gang. Rýmingin gekk vel þó alltaf komi upp atriði sem þarf að skerpa á, en tilgangur svona æfingar er m.a. að finna út hvað má betur fara. Eitt af því sem kennarar gera þegar nemendur eru komnir í raðir á söfnunarsvæði er að halda uppi spjöldum sem gefa til kynna hvort allir séu komnir eða einnhverra sé saknað. Í morgun voru nokkur spjöld rauð vegna veikinda nemenda sem ekki höfðu verið tilkynnt. Því er gott að minna á að nauðsynlegt er að tilkynna veikindi nemenda á hverjum morgni fyrir kl. 8:00. Myndir frá æfingunni má sjá hér.

Í dag fengu krakkarnir í 3. bekk góða heimsókn en Maron frá slökkviliðinu kom til okkar. Hann Snorri Karl Steinarsson í 3. bekk var dreginn út í árlegri eldvarnargetraun Landssambands slökkviliðs- og sjúkraflutningsmanna. Hann var að vonum glaður með vinninginn og óskum við honum kærlega til hamingju. 

Hér má sjá nokkrar myndir frá heimsókninni.

Í morgun var söngsalur með óhefðbundnu sniði hjá okkur. Þar sem enn eru í gildi takmarkanir sem ná til viðburða þar sem fleiri en 50 manns koma saman var ákveðið að senda sönginn út í stofurnar með fjarfundasniði. Ívar Helgason kom og spilaði undir á sal, þar sem enginn nemandi var. Þess í stað var myndavél sem sendi mynd og hljóð í alla árganga. Tilraunin heppnaðist mjög vel og voru allir ánægðir að fá að syngja, þó flestir hlakki til að geta safnast saman á sal skólans og sungið með öllum nemendum og starfsfólki þegar takmarkanirnar verða að baki. Hér má sjá myndir frá söngsalnum í morgun.

Starfsfólk Síðuskóla óskar nemendum og fjölskyldum þeirra gleðilegra páska og vonum við að páskaleyfið verði ánægjulegt. 
Kennsla hefst að loknu páskafríi þriðjudaginn 14. apríl, skólastarfið verður með svipuðu sniði og síðustu daga. 

Við hvetjum alla til að taka þátt í lestrarátakinu Tími til að lesa. Hér er hægt að sjá nánari upplýsingar um það. Þetta er einfalt: Því meira sem við lesum því betra.

Nú þegar skóladagur er skertur og skákkennsla í skólum liggur niðri hefur Skákfélag Akureyrar, í samstarfi við Skáksamband Íslands ákveðið að blása til netskákmóta fyrir grunnskólanemendur á Norðurlandi eystra. Mótin verða alla fimmtudaga og hefjast klukkan 16:30 og standa í klukkustund.  Hér má sjá nánari leiðbeiningar um mótið og hvernig hægt er að skrá sig.