ÍSAT

Nemendur og starfsfólk Síðuskóla fóru út og hreinsuðu skólalóðina og fleiri svæði í nágrenni skólans í dag. Þetta var gert í tilefni af stóra plokkdeginum sem er á morgun, 24. apríl. 

Við í Síðuskóla hvetjum alla unga sem aldna til að drífa sig út á morgun og hreinsa til í nærumhverfinu. 

Plokk á Íslandi hvetur alla landsmenn til að láta gott af sér leiða og um leið fylgja fyrirmælum því plokkið er ráðlagður dagskammtur af hreyfingu um leið og auðvelt er að fylgja reglum sóttvarnarlæknis.

PLOKK ER: 
- Frábær hreyfing fyrir alla aldurshópa
- Klæðum okkur eftir veðri
- Notum hanska, plokktangir og ruslapoka
- Hver á sínum hraða og tíma
- Frábært fyrir umhverfið
- Öðrum góð fyrirmynd

Hér má sjá fleiri myndir. 

Starfsfólk Síðuskóla sendir sínar allra bestu óskir um gleðilegt, sólríkt og huggulegt sumar.

Í apríl og maí verður boðið upp á val á miðstigi svipað því sem hefur verið á unglingastigi. Þetta er prufa hjá okkur og ef vel tekst til verður val á miðstigi í boði á næsta skólaári.

Valgreinar sem boðið var upp á eru:

• Borðspil
• Forritun
• Teikning,
• Tálgun
• Skyndihjálp
• Dans og leiklist
• Hreyfing og heilsa
• Rafíþróttir
• Bakstur
• Bókaklúbbur
• Skák

Hér má finna nánari upplýsingar um valgreinarnar.

Markmið verkefnisins eru m.a. að stuðla að auknum samskiptum á milli árganga, efla áhuga og gefa nemendum kost á að velja sér viðfangsefni og auka þannig lýðræði í skólastarfi.

Ef vel tekst til þá verður áframhald á þessu verkefni á næsta skólaári.

Við óskum ykkur öllum gleðilegra páska og vonum að þið hafið það gott ásamt börnunum í páskaleyfinu.

Við biðjum ykkur að fylgjast með pósti og heimasíðunni varðandi hugsanlegar breytingar á skólastarfi.

Ef allt verður samkvæmt áætlun hefst skólastarf aftur 6. apríl.

Páskakveðjur

Á mánudaginn er áætlaður útvistardagur hjá okkur í skólanum. Hér má finna allar upplýsingar um daginn.

Árshátíð Síðuskóla verður haldin á fimmtudag og föstudag. Búið er að senda heim skipulag fyrir dagana en það má einnig sjá hér. Atriðin eru fjölbreytt og skemmtileg, en í ár setur 10. bekkur upp söngleikinn Grease.

Hér má sjá myndir frá fyrri sýningardeginum.

Hér má sjá myndir frá seinni sýningardeginum. 

Hér má sjá myndir frá balli.

Sl. tvær vikur hefur 100 miða leikurinn verið í gangi hjá okkur í skólanum. Þessi leikur gengur út á það að á hverjum degi í 10 daga fá einhverjir 10 nemendur sérstaka hrósmiða fyrir góða hegðun. Einhverjir tveir starfsmenn fá fimm miða hvor á degi hverjum til að úthluta. Miðarnir eru settir á sérstaka töflu á ganginum og nöfn nemendanna skráð í bók. Nemendur draga miða með númeri sem ræður því hvar miðinn þeirra lendir á töflunni. Í lokin eru tíu nemendur dregnir út af þessum 100 og fá þeir verðlaun hjá skólastjóra sem enginn veit um hver eru nema hann. Í ár var röðin 8 lóðrétt valin og í henni voru: Kristín Sigríður 8. bekk, Daníel Hrafn 9. bekk, Sigríður Rist 1. bekk, Hilmir Þór 5. bekk, Atlas Ágúst 1. bekk, Þorleifur Kári 5. bekk, Andri Rúnar 8. bekk, Telma Dögg 2. bekk, Elmar Bjarni 7. bekk og Ívan Breki 5. bekk. Á myndinni sem fylgir fréttinni má sjá mynd af verðlaunahöfunum í morgun. Við óskum þessum 10 nemendum innilega til hamingju. Á morgun verða svo verðlaunin veitt, en þau eru ferð á mótorhjólasafnið og hádegismatur á Lemon.