ÍSAT

Við byrjuðum daginn á því að safnast saman á söngsal þar sem nemendur tóku vel undir við undirleik Hemma Ara. Í hádeginu var svo 20.000 miða hátíð, hún er haldin þegar nemendur hafa safnað 20.000 hrósmiðum.  fjölda hrósmiða og þá er haldin hátíð þar sem allir nemendur skólans njóta góðs árangurs. Að þessu sinni var boðið upp á grillaða hamborgara, franskar og ís í eftirrétt. Þetta var góð tilbreyting og virkilega skemmtilegt að geta komið öll saman á sal aftur.

Hér má sjá yfir 100 myndir. 

Undankeppni í Upphátt, áður stóru upplestrarkeppninni, var haldin á sal skólans í morgun.  Þar lásu 9 nemendur úr 7. bekk sem komust áfram eftir fyrstu umferð sem haldin var í bekknum sl. þriðjudag. Allir stóðu sig með prýði og voru sér og skólanum til sóma. Velja þurfti tvo nemendur og einn til vara til að taka þátt í úrslitakeppninni sem haldin verður miðvikudaginn 23. mars í Kvosinni í Menntaskólanum á Akureyri. Þar mætast fulltrúar allra grunnskólanna á Akureyri. Fulltrúar okkar í ár verða þau Alrún Eva Tulinius og Arnþór Einar Guðmundsson og Marinó Steinn Þorsteinsson til vara. Við óskum þeim til hamingju með árangurinn en hér má sjá myndir frá keppninni í morgun.

Í gær fékk 3. bekkur skólans góða heimsókn er fulltrúar frá slökkviliði Akureyrar komu og veittu nemanda í bekknum verðlaun vegna 112 dagsins. 112 dagurinn er haldinn 11. febrúar á hverju ári þar sem lögð er áhersla á kenna neyðarnúmerið og minna á mikilvægi kunnáttu í skyndihjálp. Fulltrúar frá slökkviliðinu komu í heimsókn fyrr í mánuðinum og lögðu fyrir getraun í 3. bekk eins og gert er í þessum árgangi á öllu landinu og síðan er dregið úr réttum svörum. Nemandinn sem svaraði öllu rétt og dreginn var út er Tinna Ósk Pálsdóttir og óskum við henni til hamingju! Á myndinn með fréttinni má sjá þegar fulltrúar frá slökkviliðinu komu og afhentu Tinnu viðurkenningarskjal en hún fékk að auki inneign á Storytel hljóðbókasafnið.

Undanfarnar tvær vikur hefur 100 miða leikurinn verið í gangi í skólanum. Leikurinn virkar þannig að á hverjum degi fá 5 starfsmenn úthlutuðum alls 10 hrósmiðum sem þeir láta nemendur fá sem sýnt hafa góða hegðun þann daginn. Eftir skráningu hjá ritara, þar sem nemendur draga númer, eru miðarnir hengdir á töflu á ganginum yfir það númer sem dregið hafði verið. Í lokin eru 10 nemendur dregnir út og fá verðlaun hjá skólastjórnendum sem tilkynnt er á úrslitunum hver eru. Í ár var röðin 61-70 valin og í henni voru eftirfarandi nemendur: Natalía Ösp í 6. bekk, Kristín Lilly í 2. bekk, Annabel í 8. bekk, Birna Dís í 4. bekk, Anton Már og Jón Orri í 5. bekk, Dagbjört Lilja í 9. bekk, Lilja Sól í 1. bekk, Logi Hrafn í 10. bekk og Silja Ösp í 7. bekk. Við óskum þessum nemendum innilega til hamingju. Úrslitin voru tilkynnt í gær, en vegna fjöldatakmarkana var eingungis einn bekkur á sal en hinir fylgdust með gegnum fjarfundabúnað. Nemendur fóru í umbunina í dag, sem var að fara í pílu í íþróttahúsinu í Laugargötu og kaffi í Bakaríinu í Sunnuhlíð. Myndir frá því þegar úrslitin voru tilkynnt í gær og ferðinni í morgun má sjá hér.