ÍSAT

Í ár munu nemendur í 7. bekk og starfsmenn Síðuskóla gefa 21 kassa í verkefnið ,,Jól í skókassa“ sem við erum þátttakendur í. Nemendur unnu tvö og þrjú saman og keyptu í kassana ásamt því að koma með dót að heiman. Ákveðnir hlutir þurfa að vera í hverjum kassa, tannbursti, tannkrem, sápa, þvottapoki, sælgæti, ritföng ásamt leikfangi og fatnaði.

 Nemendur pökkuðu skókössunum í jólapappír og settu svo dótið ofan í. Kassarnir voru að þessu sinni sóttir í skólann og fengu krakkarnir smá fræðslu um verkefnið, til viðbótar við það sem þau vissu fyrir. Skókassarnir fara til Úkraníu. Börn sem minna mega sín fá einn kassa hver. Oft er þetta eina jólagjöfin sem þau fá og því er gleðin mikil þegar kassarnir koma.

Hér eru nokkrar myndir.  

Takk allir sem tóku þátt í verkefninu.

Nemendur í 9. bekk voru hvattir til að skilja skólatöskurnar eftir heima og finna aðrar lausnir til að bera skóladótið. Hér má sjá nokkrar skemmtilegar "töskur" sem nemendur komu með í skólann. 

Þessa dagana eru nemendur og starfsfólk á fullu að undirbúa árshátíð skólans sem haldin verður í næstu viku. Hér má sjá nokkrar myndir frá æfingum og öðrum undirbúningi. 

Matseðillinn fyrir nóvember er kominn á netið. Hægt er að sækja hann með því að smella hér.

Hrekkjavökuball verður haldið í Síðuskóla fyrir nemendur í 1. -7. bekk fimmtudaginn 28. október.

1.-2. bekkur kl. 16:15-17:15 Aðgangseyrir 500 kr. lítill popppoki og svali innifalinn.

3.-4. bekkur 17:30-18:30 Aðgangseyrir 500 kr. Sjoppa opin.

5.-7. bekkur 18:40-20:00 Aðgangseyrir 500 kr. Sjoppa opin.

Verðlaun fyrir besta búninginn!

Ágóðinn rennur í ferðasjóð 10. bekkjar.

 10. bekkur

Í morgun komu allir nemendur saman á sal skólans. Umhverfisnefnd og nemendaráð skólans kynntu sig, nokkur lög voru sungin og einnig voru veittar viðurkenningar fyrir keppnina Náttúrufræðingur Síðuskóla. Viðurkenningu fyrir góðan árangur fengu Una Lind í 4. bekk, Arnór Elí i 5. bekk, Gunnar Brimir í 8. bekk og Sigrún Freygerður í 10. bekk. Náttúrufræðingur Síðuskóla árið 2021 er Máni Þorsteinsson í 9. bekk. Við óskum þeim öllum innilega til hamingju með árangurinn. Myndin sem fylgir fréttinni er af Mána, náttúrufræðingi skólans.

Fleiri myndir má sjá hér.

Í umhverfisvikunni var 9. bekkur með hönnunardag. Þá var unnið með endurnýtingu og endurhönnun.  

Afraksturinn var skemmtilegur og hér má sjá sýnishorn af vinnu nemenda. 

Í umhverfisvikunni unnu 3. og 4. bekkur saman verkefni tengd loftslagsmálum, fengu fræðslu um loftslagsbreytingar, ástæður og afleiðingar þeirra. Meðal annarra verkefna þessa viku, var unnið með list- og verkgreinakennurum einn dag þar sem útbúin var jörð, lofthjúpur, sól og það sem er gott og slæmt fyrir jörðina. Afraksturinn sem var stórkostlegur fór upp á vegg á C-gangi. 

 Á degi íslenskrar náttúru fór 4.bekkur upp í Naustaborgir. Nemendur lögðust þar niður í náttúruna og ímynduðu sér að þeir væru fyrstu manneskjurnar á jörðinni og réðu hvernig náttúran í kringum þá liti út. Þeir týndu ýmsar plöntur og annað sem fannst í Naustaborgum og eftir matinn teiknuðu þeir mynd af sér í sínu uppáhaldsumhverfi.  

 Á degi læsis var 3. og 4. bekk skipt niður í nokkra bókaklúbba. Hver klúbbur las saman eina bók, sögðu frá innihaldi hennar og teiknuðu mynd sem lýsti vel bókinni. 

Hér má sjá myndir frá vinnunni í 3. og 4. bekk ásamt myndum frá 1. og 2. bekk. 

Í tilefni af Degi íslenskrar náttúru þann 16. september fóru nemendur skólans í vettvangsferðir og fræddust um náttúruna.

Nemendur í 2. bekk fóru með strætó í bæinn og löbbuðu í Lystigarðinn þar sem þau fóru í ratleik. Krakkarnir í 3. bekk fóru í Kjarnaskóg í umhverfisbingó ásamt því að safna birkifræjum. 5. bekkur heimsótti gömlu gróðrastöðina og 9. bekkur heimsótti Gámaþjónustana og labbaði Lögmannshlíðarhringinn. 

Hér er að finna skemmtilegar myndir frá ferðum þessara hópa.

Á fimmtudaginn fóru nemendur og starfsfólk skólans í gönguferð. Farið var með rútum upp á Súlubílastæði og þaðan var genginn hringur um Glerárdal, svonefndur stífluhringur. Nemendur í 1. -5. bekk voru sóttir að skotsvæði en eldri nemendur gengu alla leið í Síðuskóla.

Þessi dagur var upphaf umhverfisviku þar sem unnið er með loftslagsmál og einnig upphaf átaksins Göngum í skólann. Gönguferðin gekk vel og lék veðrið við okkur. Frábær dagur í alla staði þar sem nemendur sýndu dugnað og seiglu.

Hér má sjá myndir úr ferðinni.