ÍSAT

Börnin í skólanum nýttu góðaveðrið í dag til að hressa upp á leikina sem málaðir eru á skólalóðina. 

Hér má sjá nokkrar myndir frá deginum.

Blásarasveit Tónlistarskólans á Akureyri heimsótti Síðuskóla í gær og hélt skemmtilega tónleika fyrri nemendur í 1.-5. bekk og þökkum við þeim kærlega fyrir það.

Myndir frá viðburðinum má finna hér.

Riðlakeppnin í Skólahreysti fór fram í gær í Íþróttahöllinni. Okkar keppendur stóðu sig með stakri prýði en að lokum var það lið Dalvíkurskóla sem sigraði. Okkar keppendur að þessu sinni voru þau Mikael Örn Reynisson, Sigfríður Birna Pálmadóttir, Óttar Örn Brynjarsson, Stefanía Ýr Arnardóttir, Daníel Snær Ryan og Sandra Rut Fannarsdóttir. 

Hér eru myndir.

Í gær kom Geðlestin í heimsókn til okkar í Síðuskóla og var með fræðslu fyrir nemendur í 8. - 10. bekk. 

Geðlestin er geðfræðsla fyrir nemendur í efri bekkjum grunnskóla og framhaldsskóla sem byggir á þeirri staðreynd að við búum öll við geð rétt eins og við erum með hjarta. Á lífsleiðinni er mjög líklegt að við lendum í mótvind og þurfum jafnvel að leita okkur aðstoðar. Öflug geðrækt frá unga aldri út lífið er besta ráðið til að takast á við þær áskoranir sem lífið færir okkur. Geðlestin er samstarfsverkefni Geðhjálpar og Hjálparsíma Rauða krossins 1717 og er styrkt af félags- og heilbrigðisráðuneytunum.

Í lokin tók svo Emmsjé Gauti nokkur lög og stemmingin heldur betur góð. 

Hér má sjá myndir frá heimsókninni.

Heimasíða Geðlestarinnar. 

Á föstudaginn voru veittar viðurkenningar fræðsluráðs en skv. skólastefnu Akureyrarbæjar skal árlega veita þeim einstaklingum eða stofnunum sem skarað hafa fram úr í skólastarfi viðurkenningar. Að þessu sinni fengu tveir starfsmenn skólans viðurkenningu fyrir störf sín við skólann en það voru þær Helga Lyngdal deildarstjóri og Sigrún Helga Snæbjörnsdóttir sérkennari, sem hefur sinnt kennslu nemenda sem eru með íslensku með annað tungumál (ÍSAT) í vetur. Myndin sem fylgir fréttinni var tekin við þetta tækifæri. Við óskum þeim innilega til hamingju með viðurkenningarnar.

Fyrir skömmu tók 4. bekkur skólans þátt í árlegri teiknisamkeppni Mjólkursamsölunnar. Alls bárust 1300 myndir í keppnina frá 51 skóla víðsvegar um landið. Tíu myndir voru valdar til verðlauna og gaman að segja frá því að ein þessara mynda kom úr Síðuskóla. Það var Einar Máni Þrastarson sem átti eina af verðlaunamyndunum. Við óskum Einar innilega til hamingju með árangurinn, en í verðlaun fékk bekkurinn peningaupphæð sem notuð var í pizzuveislu sem efnt var til í gær. Hér má sjá myndir frá veislunni og á myndinni sem fylgir fréttinni má sjá Einar Mána með viðurkenningarskjal frá Mjólkursamsölunni. Verðlaunamyndina má svo sjá hér.

 Það styttist í árshátíð Síðuskóla og hér kemur skipulag fyrir árshátíðina sem verður haldin fimmtudaginn 31. mars og föstudaginn 1. apríl. Nemendur í 10. bekk verða í aðalhlutverki með árshátíðaratriði sitt sem er leikritið Óvitar. 

English version below.

Í vetur hafa nemendur í 5.-7. bekk verið með tvöfaldan valtíma einu sinni í viku. Hver lota hefur staðið í 3-4 vikur og hefur verið leitast við að bjóða alltaf upp á eitthvað nýtt. Í fyrstu lotu eftir áramót var boðið upp á að taka þátt í að gera skólablað undir handleiðslu Jóhönnu Ásmundsdóttur. Sautján nemendur úr 5. og 6. bekk völdu að vera með í því og nú er komið út fyrsta tölublað í netútgáfu. Vonandi verður þetta fastur liður hjá okkur að gefa út skólablað. 

Blaðið er virkilega skemmtilegt og var gaman að fylgjast með hve nemendur voru áhugasamir.

Njótið lestursins! 

Skólablað Síðuskóla