ÍSAT

Nú er skólaárið á enda og um leið og við þökkum samstarfið í vetur óskum við öllum gleðilegs sumars og vonum að allir njóti sín í sumarleyfinu. Skrifstofan lokar nú en opnar að nýju miðvikudaginn 3. ágúst og skólinn verður settur mánudaginn 22. ágúst.

Með sumarkveðju, starfsfólk Síðuskóla.

Veðrið lék við okkur á umhverfisdögum Síðuskóla þar sem árgangar fóru um bæinn og nágrenni hans, lærðu á umhverfið og léku sér í leiðinni. Vorhátíð FOKS var einnig haldin á skólalóðinni, settir voru upp hoppukastalar og boðið var upp á andlitsmálningu. Að lokum voru grillaðar pylsur í innigarðinum. 

 Hér má sjá fullt af skemmtilegum myndum. 

Góðgerðarhlaup UNICEF fór fram í Síðuskóla 2. maí síðastliðinn. Hlaupið er fræðslu- og fjáröflunarverkefni þar sem íslenskum börnum gefst tækifæri á að fræðast um aðstæður jafnaldra sinna víða um heim og með hollri hreyfingu safna fé fyrir starfi í þágu barna í fátækari ríkjum heims. Nemendur Síðuskóla stóðu sig heldur betur vel í að safna áheitum en það söfnuðust 343.551 krónur! 

 Við viljum nýta tækifærið og deila með ykkur dæmum um hvað hægt er að gera fyrir upphæðina sem safnaðist!

Fyrir þessa upphæð er meðal annars hægt að kaupa skóla í kassa sem er bráðabirgðaskóli með námgsgögnum fyrir 40 börn. Hann er fullur af stílabókum, blýöntum, skærum, litum og öðru. Þessu gæti líka fylgt leikjakassi sem nýtist á barnvænum svæðum UNICEF um allan heim. Slík svæði eru meðal annars sett upp þar sem átök ríkja og í flóttamannabúðum. Þar geta börn fundið öryggi og gleði á erfiðum tímum, haldið menntun sinni áfram, leikið sér og fengið sálrænan stuðning til að vinna úr áföllum sínum. Fótboltar, sippubönd, sögubækur og önnur leikföng sem nýtast allt að 90 börnum á barnvænum svæðum.

Hér má sjá myndir frá hlaupinu.

• Klukkan 9:00 1.-5. bekkur
• Klukkan 10:00 6.-9. bekkur

Útskrift 10. bekkjar verður kl. 15:00 í Glerárkirkju, kaffiveitingar í skólanum á eftir.

Engar fjöldatakmarkanir!

Í dag skoruðu nemendur í 10. bekk á starfsmenn að keppa við sig í körfubolta, fótbolta og skotbolta.

10. bekkingar stóðu uppi sem sigurvegarar og unnu tvær greinar og gerðu jafntefli í þeirri þriðju. 

Hér má sjá myndir. 

Börnin í skólanum nýttu góðaveðrið í dag til að hressa upp á leikina sem málaðir eru á skólalóðina. 

Hér má sjá nokkrar myndir frá deginum.

Blásarasveit Tónlistarskólans á Akureyri heimsótti Síðuskóla í gær og hélt skemmtilega tónleika fyrri nemendur í 1.-5. bekk og þökkum við þeim kærlega fyrir það.

Myndir frá viðburðinum má finna hér.