Fréttir

Nemendur í 3. bekk voru með sýningu fyrir foreldra og forráðamenn sína og sögðu þeim frá því hvað þau væru búin að vera vinna að síðan um jólin. Nemendur sýndu m.a. frjálsan útsaum, vefnað, þæfingu og  jeppa sem er í smíðum. Einnig sögðu þau frá uppfinningum sem þau hafa verið að hanna sl. daga. Foreldrar og forráðamenn gæddu sér svo á vöfflum sem nemendur höfðu bakað. Hér má sjá nokkrar myndir af verkefnunum þeirra.

Nemendur skólans halda upp á síðasta skóladag fyrir páska með leik þvert á bekkjardeildir. Hver nemandi fær persónu úr ævintýri og finnur félaga sína. Síðan er farið inn í sal þar sem „ævintýrið“ fær uppgefið stofunúmer og bækur um ævintýrið. Þegar í stofuna er komið lesa þau saman eða hvort fyrir annað, teikna persónurnar og lita, horfa á mynd eða myndbrot um ævintýrið. Tvö „ævintýri“ eru í hverri stofu.  Nemendaráð hefur haft veg og vanda af skipulagningu leiksins. Þetta er annað árið sem við leikum þennan leik og verður gaman að sjá hvernig gengur.  Hér má sjá myndir frá deginum

Í dag var tilkynnt um úrslit í árlegri lestrarkeppni milli 4. og 5. bekkjar. Keppnin stóð frá 2. - 18. mars og krakkarnir lásu samtals 28858,5 blaðsíður.  Ísafold Kelley í 5. HB fékk viðurkenningu fyrir mjög góðan árangur. Í hverjum bekk fékk einn nemandi sérstaka viðurkenningu fyrir dugnað og þrautseigju þau hlutu Arnviður Bragi Pálmason 4. MB, Thomas Árni Black 4. SES, Hildur Arnarsdóttir 5. HB og Klara Fönn Arnedóttir 5. JÁ.  Síðan voru veitt viðurkenningarskjöl og bókaverðlaunin Stiklað á stóru um býsna margt eftir Bill Bryson til lestrarhesta sem eru þeir nemendur sem lásu mest og til þeirra sem sýndu mestan dugnað og þrautseigju. Lestrarhestarnir eru Páll Kristþór Sveinsson í 4. MB, Kristín Lind Arnþórsdóttir í 4. SES, B. Irena Sunna Björnsdóttir í 5. HB og Sigrún Lilja Jóhannsdóttir í 5. JÁ. Þeir sem hlutu viðurkenningu fyrir mestan dugnað og þrautseigju eru Kristjana Rán Arnardóttir í 4. MB, Jóhanna María Gunnarsdóttir í 4. SES, Magnús Máni Ólafsson í 5. HB og Aron Daði Björnsson í 5. JÁ. Að lokum var tilkynnt um úrslit í bekkjarkeppninni en í þetta sinn vann 5. bekkur og varði titil sinn frá því í fyrra þegar hópurinn var í 4. bekk. Hér má sjá fleiri myndir. 

Hér má sjá myndir sem teknar voru í morgun þegar nemendur og starfsfólk fóru út að fylgjast með sólmyrkvanum.

Nemendur í sérdeild eru á öllum aldri. Þeir vinna með sínum jafnöldrum í viðkomandi bekkjardeild jafnt og í sérdeild þegar það á við. Sjá myndir.

Í dag voru nemendur í 5. bekk niðursokknir við að lesa sér til um landnám og kristnitöku.  Einnig hefur margföldunarkeppni verið í gangi og lestrarkeppni á milli 4. og 5. bekkja. Áhuginn og ákafinn skín úr andlitum nemenda.  Sjá myndir

Nemendur í 9. bekk eru um þessar mundir að kynna niðurstöður tilrauna sem þeir hafa unnið að. Hér má sjá nokkrar myndir úr kynningunum.

Í nýliðnum foreldraviðtölum stóð jafnréttisnefnd Síðuskóla fyrir könnun. Umsjónarkennarar skráðu hjá sér hverjir komu með nemendum í viðtölin. Þetta var gert til að kanna kynjahlutföll forráðamanna  sem komu með nemendum.  Niðurstöður eru eftirfarandi:   Í 51% viðtala mættu eingöngu mæður.  Í 43% viðtala mættu báðir foreldrar.  Í 6% tilvika mættu eingöngu feður.  Þetta merkir að í 94% tilfella mættu mæður en í 49% tilfella mættu feður. Fróðlegt verður að fylgjast með þróun á þessum tölum á næstu árum.

Í morgun mættu allir nemendur skólans á sal. Ólöf skólastjóri byrjaði daginn með því að þakka keppendum í Stóru upplestrarkeppninni fyrir góða frammistöðu í lokakeppninni sem fór fram í MA s.l. miðvikudag. Þá fengu keppendur í Skólahreysti 2015 rós fyrir feikna góða frammistöðu í Akureyrarriðlinum sem þau unnu. Að lokum brýndu allir raustina og sungu saman gömul og ný Evrovision lög undir stjórn Jörundar formanns nemendaráðs. Myndir frá söngsal.