10.11.2014
Þriðjudaginn 11. nóvember verður opnunarviðburður, í tilefni af Loftslagsáskorun Norrænu
ráðherranefndarinnar, haldinn í sal Síðuskóla klukkan 14-16. Meira hér.
Lesa meira
09.11.2014
Síðuskóla boðið á skauta.
Sara Smiley, sem er kanadískur kennaranemi í Síðuskóla, er þjálfari hjá Skautafélagi Akureyrar. Hún hafði milligöngu um
það að nemendum Síðuskóla var boðið í heimsókn miðvikudaginn 5. nóv. og mánudaginn 10. nóvember.
Það ríkti mikil gleði og kátína á skautunum, eins og sjá má á þessum
myndum.
Lesa meira
30.10.2014
Grenndargralið er ratleikur þar sem takmark þátttakenda er
að finna bikar, hið svokallaða Grenndargral, sem búið er að koma fyrir á vissum stað á Akureyri. Leitin að Gralinu tekur 10 vikur og hún fer
þannig fram að nemendur, ýmist einir eða tveir saman, fá eina þraut til lausnar í viku hverri sem tengist sögu eða menningu Akureyrar og/eða
Eyjafjarðar.
Leitin að Karamellukrukkunni er hluti af Leitinni að
Grenndargralinu. Það voru þær Eygló Ástþórsdóttir og Soffía Karen Erlendsdóttir úr Síðuskóla sem
fundu krukkuna í þetta sinn. Þær voru ekki nema 15 mínútur að því sem er nýtt met. Krakkarnir fengu vísbendingu sem var
nokkurs konar fjársjóðskorts og vísaði að lokum að lítilli trjáhríslu ofan við Nonnastein.
Þetta var glæsilegur árangur hjá
Eygló, Soffíu og aðstoðarfólki þeirra. Nú vonum við að nemendur Síðuskóla verði jafn kappsamir þegar
kapphlaupið um sjálft Grenndargralið fer fram. Nánari upplýsingar um Grenndargralið má finna á vefslóðinni www.grenndargral.is
Lesa meira
30.10.2014
Í dag mælist umtalsverð mengun á Akureyri vegna eldgossins í Holuhrauni. Ekki er um hættuástand að ræða en talið óhollt að
vera utandyra. Við höfum þess vegna okkar nemendur innandyra í frímínútum í dag. Hægt er að fylgjast með mengunarmæli á
Akureyri hér.
Lesa meira
30.10.2014
Laugardagana 1. nóvember og 8. nóvember verða ADHD samtökin með fræðslunámskeið fyrir foreldra. Nánari upplýsingar og skráning er
á vef ADHD samtakanna, www.adhd.is.
Lesa meira
28.10.2014
Miðvikudaginn 29. október verða haldin Hrekkjavökuböll fyrir, annars vegar 1. - 2. bekk klukkan 16:00-17:30 og hins vegar 3. - 4. bekk klukkan 18:00-19:30.
Fimmtudaginn 30. október verður svo Hrekkjavökuball fyrir 5. - 7. bekk klukkan 18:00-20:00.
Böllin eru á vegum 10. bekkjar og eru liður í söfnun fyrir vorferðalag árgangsins. Það kostar 300 krónur inn á ballið fyrir 1.
- 2. bekk en 400 krónur á hin böllin. Veitt verða verðlaun fyrir flottasta búninginn.
Verðlisti í sjoppu: Bland í poka 150 krónur, Svali 100 krónur, ýmis sælgætisstykki 50-150 krónur og á ballinu fyrir 5. - 7. bekk
verður selt gos á 200 krónur.
Á staðnum verður draugahús og spákona.
Hlökkum til að sjá ykkur
10. bekkingar
Lesa meira
17.10.2014
Líkt og á síðasta ári tekur 7. bekkur þátt í verkefninu JÓL Í SKÓKASSA ásamt umsjónarkennurum
sínum. Pakkarnir verða sendir til Úkraínu til barna sem búa við slæm skilyrði.
Í verkefninu safna nemendur í skókassa, sem
jólapappír er settur utan um, gjöfum handa stelpu eða strák á ákveðnum aldri. Krakkarnir mega
koma með dót að heiman, fara á Herinn, Fjölsmiðjuna eða Rauða krossinn og kaupa nytsamlega hluti.
Hér má sjá meira um verkefnið og myndir frá síðasta ári þegar 7. bekkur tók þátt í þessu verkefni.
Lesa meira
16.10.2014
Við fengum góðan gest í heimsókn til að kynna júdó fyrir nemendum. Jón Óðinn Jónsson eða Ódi eins og margir
þekkja hann mætti í íþróttatíma og sýndi og sagði frá. Það var mikið líf og mikill áhugi sem nemendur
sýndu. Það voru líka margir sem þekktu Óda, fullt af nemendum sem eru að æfa hjá honum.
Hér má sjá nokkrar myndir frá heimsókninni.
Lesa meira
14.10.2014
Október er mánuður Bleiku slaufunnar,
árveknis- og fjáröflunarátaks Krabbameinsfélags Íslands gegn krabbameinum hjá konum. Af því tilefni eru allir landsmenn beðnir um
að klæðast einhverju bleiku fimmtudaginn 16. október eða hafa bleikan lit í fyrirrúmi þann dag. Síðuskóli vill sýna
samstöðu í baráttunni og hvetur alla, bæði starfsmenn og nemendur að mæta í einhverju bleiku þennan dag.
Nánar má lesa um átakið og
bleika daginn hér.
Lesa meira
10.10.2014
Haldin var rýmingaræfing á A- gangi.
Núna í fyrsta skipti í sögu skólans var verið að prófa neyðarútgangana sem vísa út að bílaplani þ.e. gluggana
á austurhlið skólans.
Æfingin gekk mjög vel nemendur áttu ekki
í neinum erfiðleikum með að fara út um gluggana og voru fljótir í raðir á körfuboltavellinum. Það tók 2.56 mín að
að tæma A – gang. Hér má sjá nokkrar myndir frá æfingunni.
Lesa meira