30.03.2012
Páskaleyfi í Síðuskóla
2012
Kæru nemendur, foreldrar og forráðamenn.
Mánudaginn 2. apríl hefst páskafrí í Síðuskóla. Við óskum ykkur gleðilegra páska og gefandi og sólríkra
samverustunda með fjölskyldum ykkar í leyfinu.
Við minnum á að Frístund er opin í dymbilvikunni 2., 3. og 4.
apríl fyrir þau börn sem þar hafa verið skráð.
Skólastarf byrjar aftur 10. apríl skv. stundaskrá.
Með páskakveðjum,starfsfólk
Síðuskóla.
Lesa meira
29.03.2012
Tveir drengir úr 9. bekk, Ingimar og Aron, fengu það verkefni að taka upp samsönginn í Skátagili.
Þeir hafa nú sett saman skemmtilegt myndband þar sem sjá má alla taka þátt í söngnum af mikilli innlifun.
Hér má sjá afraksturinn.
Lesa meira
29.03.2012
Síðuskóli tekur þátt í
Skólahreysti 2012, fimmtudaginn 29. mars.
Keppnin hefst kl. 14:00 í Íþróttahöllinni á Akureyri.
Keppendur fyrir hönd Síðuskóla eru:
Strákar:
Upphífingar / dýfur: Sverrir Örn Magnússon, 10.
bekk.
Hraðaþraut: Grétar Þór Helgason, 10. bekk.
Varamaður: Jón Emil Karlsson, 10. bekk
Stelpur:
Hreystigreip / armbeygjur : Auður Kristín Pétursdóttir, 10.
bekk.
Hraðaþraut: Helena Rut Pétursdóttir, 10. bekk.
Varamaður : Tinna Karen Fylkisdóttir, 9. bekk.
Allir hvattir til að mæta og munið að koma í
RAUÐU
SÍÐUSKÓLI Í RAUÐU!
Lesa meira
27.03.2012
Þar sem nú er mjög hvasst í Hlíðarfjalli verður ekki af útivistardegi. Í dag verður því venjulegur skóladagur
samkvæmt stundaskrá.
Lesa meira
23.03.2012
Í tilefni af afmæli Akureyrarbæjar.
Í dag fóru 1.-7. bekkir í Síðuskóla niður í bæ og sungu þar með fleiri grunn- og leikskólum
frá Akureyri og nágrenni.
Börnunum var raðað upp í Skátagili og þrjú lög sungin sem allir voru búnir að æfa. Nokkrar myndir frá
uppákomunni má sjá hér.
Lesa meira
20.03.2012
Páskabingó.
Páskabingó verður haldið í Síðuskóla,
föstudaginn 23. mars kl 19:30.
Veglegir vinningar vinningar í boði og mikið
fjör. Við hvetjum alla sem geta til að mæta.
Spjaldið á kr. 500 - eftir hlé á kr.
300. Í hléi verður selt kaffi, kleinur o.fl.
10. bekkur í Síðuskóla
Lesa meira
19.03.2012
Mikið hefur verið um lús í skólum Akureyrar og nágrennis í vetur og virðist í mörgum tilfellum ganga mjög illa að
ráða niðurlögum hennar. Það er því mjög mikilvægt að allir fylgist vel með og séu duglegir að kemba reglulega yfir allan
veturinn þrátt fyrir að það sé ekki endilega tilkynnt um lús í viðkomandi skóla á þeim tíma.
Stærstu lýsnar eru þær sem sjást best í hárinu en þær allra minnstu grafa sig ofan í rótina og hársvörðinn.
Það þarf því að rýna vel til þess að sjá þær. Þeim er erfitt að ná með kambinum einum saman og dugir
þá jafnvel ekkert annað en að plokka þær úr með fingrunum. Ekki finna allir fyrir kláða eða óþægindum þótt
lúsin sé til staðar. Það getur því vel verið lús í hárinu þó að enginn kláði sé til
staðar.
Ef lús finnst þá er alveg nauðsynlegt að tilkynna það í skólann svo að hægt sé að bregðast við og leita
sérstaklega í bekk barnsins og hjá börnum á sama gangi skólans. Þegar lús finnst þarf líka alltaf meðhöndlun með
lúsasjampói og gott að barnið sé heima einn dag eftir meðferð og sé svo með buff nokkra daga á eftir.
Lesa meira
14.03.2012
Síðuskóli er þátttakandi í e-Twinning
samfélaginu sem Evrópusambandið setti á laggirnar árið 2005. Síðuskóli hefur tekið þátt frá árinu 2006 og
hefur verið með nokkur verkefni í gangi á hverju ári.
eTwinning verkefnið ICT4U hefur verið valið sem eitt af 10 bestu
samstarfsverkefnum í Evrópu. Síðuskóli er einn af þeim skólum sem standa að þessu verkefni og er í samstarfi við skóla
í Belgíu, Grikklandi, Ungverjalandi og á Spáni. Einnig koma aðrir skólar að þessu verkefni á netinu.
Verkefnið snýst um að finna forrit á netinu og nota þau í kennslu. Nemendur tileinka
sér ákveðin forrit og reyna að finna ákveðnar námsgreinar sem forritið gæti virkað í sem kennslugagn eða verkfæri til að
ná á annan hátt til nemenda í nútíma skóla.
Ýmis verkfæri hafa verið prófuð s.s. animoto, facebook, googledocs, screencast og fleiri.
Verkefnið er mjög skemmtilegt og fjölbreytilegt.
Lesa meira
09.03.2012
Lokahátíð Stóru
upplestrarkeppninnar var haldin á sal Menntaskólans á Akureyri, 7.mars síðast liðinn.
Keppendur í ár voru 15 frá grunnskólum bæjarins þar af einn nemandi frá Hrísey.
Skáld keppninnar í ár voru Kristín Helga Gunnarsdóttir og Gyrðir Elíasson.
Lásu nemendur brot úr bókinni Draugaslóð eftir Kristínu og eitt ljóð eftir
Gyrði. Einnig lásu þau eitt ljóð að eigin vali. Fulltrúar Síðuskóla í keppninni voru Jörundur Sigurbjörnsson, Steinar Logi Stefánsson og Valgerður
Pétursdóttir sem var varamaður.
Þetta var hátíðleg stund
og stóðu nemendurnir sig frábærlega. Steinar Logi náði verðlaunasæti,
varð í þriðja sæti, en keppendur úr Lundarskóla hlutu 1. og 2. sæti.
Ólafur skólastjóri tók nokkrar myndir af keppendum og áhorfendum sem má
finna hér.
Lesa meira
08.03.2012
Það er ekki vitað í dag hvenær Síðuskóli fær úthlutað dag í fjallinu. Það verður tilkynnt um leið og verður
ákveðið.
Lesa meira