ÍSAT

Þemadagar í Síðuskóla 16. og 17. október  Í dag var mikið fjör hjá okkur hér í skólanum. Allir nemendur og starfsfólk skólans hafa verið að vinna að Disney þema og má segja að skólinn okkar hafi breyst í nýja undraheima. Nemendur bjuggu til leikrit, bökuðu, elduðu, sömdu leikrit, bjuggu til Neðansjávarheim og Frumskógarheim.  Frábær dagur í alla staði eins og sjá má á eftirfarandi myndum.

Í dag var haldinn SMT dagur í Síðuskóla. Þá leggjum við áherslu á einkunnarorð skólans með allskonar óhefðbundinni vinnu. Kl. 10 fóru allir út til að faðma skólann og bjuggum við til hring sem hvergi slitnaði. Nemendur og starfsfólk sýna þannig að með sameiginlegu átaki er ýmislegt hægt. Sjá myndir hér.

Unglingar frá Akureyri taka þátt í Landsmóti Samfés. Landsmót Samfés hefst á Ísafirði á föstudaginn 5. október og stendur í 3 daga. Frá Akureyri fara fulltrúar úr öllum skólum alls 36 ungmenni sem öll starfa í félagsmiðstöðva-ráðum og sækja valgreinina félagsmálafræði á vegum félagsmiðstöðvanna. Von er á um 400 unglingum á aldrinum 13-16 ára frá félagsmiðstöðvum víðsvegar af landinu. Dagskrá landsmótsins er fjölbreytt. Mótið hefst á kosningu í ungmennaráð Samfés sem er eina ungmennaráðið sem starfar á landsvísu með lýðræðislega kjörna fulltrúa alls staðar að af landinu. Tveir fulltrúar sitja í ráðinu frá Norðurlandi hverju sinni. Styrmir Elí Ingólfsson frá Akureyri er sitjandi fulltrúi í ráðinu og kosinn verður annar fulltrúi frá Norðurlandi á Ísafirði. Þau Hrafnhildur Lára Hrafnsdóttir og Ólafur Hrafn Kjartansson hafa boðið sig fram í það sæti fyrir hönd Akureyrar. Tilgangur ungmennaráðs er m.a. að ungmenni öðlist rödd í samfélaginu, auka jafningjafræðslu og hafa áhrif á viðburði á vegum Samfés. Á laugardag taka unglingarnir þátt í hinum ýmsu smiðjum sem m.a. tengjast útivist, matseld, handverki og fjölmiðlum svo fátt eitt sé nefnt. Dagurinn endar á hátíðarkvöldverði og balli á Bolungarvík. Landsmótinu líkur á sunnudag með Landsþingi ungs fólks sem ungmennaráðið skipuleggur og stýrir. Þar munu landsmótsgestir ræða ýmis mál sem brenna á ungu fólki. Samfés, samtök félagsmiðstöðva á Íslandi standa fyrir fjölda viðburða fyrir félagsmiðstöðvar og unglinga ásamt því að sinna fjölmörgum öðrum verkefnum. Aðalmarkmið Samfés er að stuðla að aukinni félags- og lýðræðisþátttöku ungs fólks á Íslandi. 

Fimmtudaginn 27. september voru allir nemendur Síðuskóla kallaðir saman á sal til að fagna úrslitum í Náttúrufræðingi skólans 2012. Ár hvert höldum við keppni um það, hver hlýtur heiðursnafnbótina Náttúrufræðingur Síðuskóla þar sem allir nemendur skólans spreyta sig á myndum úr náttúru Íslands.   Keppnin felst í að greina 5 myndir af fuglum, 5 myndir af plöntum og 5 landslagsmyndir frá Íslandi. Í ár voru það 5 strákar sem lentu í efstu sætunum. Í 2. -4. sæti urðu Ásbjörn Guðlaugsson 5. KH, Kjartan Arnar Guðmundsson 6. HB, Haukur Brynjarsson 7. SEB og Ingólfur Bjarni Svafarsson 10. bekk. Náttúrufræðingur Síðuskóla 2012 er Kristján Rúnar Kristjánsson 7. HL.   Til hamingjustrákar með góðan árangur!

Síðuskóli er í Comeniusarsamstarfi við skóla í Englandi, Þýskalandi, Frakklandi og á Spáni og komu kennarar og nemendur þessara skóla í heimsókn hingað í síðustu viku. Unnið var með þemað ,,sjálfbær borg"  Nemendur unnu að því í vikunni að hanna borg sem væri sem mest sjálfbær og skipulögðu þeir borgina með hliðsjón af stjórnmálum, mannvirkjum, orku­málum, samgöngum, skólamálum og fleiru sem þeir töldu að sjálfbær borg ætti að hafa yfir að ráða. Nemendur og kennarar gerðu sér margt til dægrarstyttingar og fóru þeir bæði í innanbæjartúr um söfn - Minjasafnið og Iðnaðarsafnið og skoðuðu áhugaverða staði - Lögmannshlíðarkirkja og Jólahúsið ásamt því að fara í heimsókn til bæjarstjórans. Einnig var farin dagsferð með íslenskum nemendum í Mývatns­sveit þar sem farið var á hestbak, í Dimmuborgir, Kröflu og jarðböðin. Á fimmtudegi og föstudegi 27. og 28. sept voru gestirnir kvaddir með tárum.

  Á föstudaginn 28. september er skipulagsdagur í Síðuskóla.  Þá er engin kennsla og Frístund er lokuð allan daginn eins og sjá má á skóladagatali Síðuskóla.   Ólafur B Thoroddsen Skólastjóri

Leitin að Grenndargralinu 2012 er hafin!  Leit nemenda að Grenndargralinu er hafin fimmta árið í röð. Þátttakendur eru nemendur í 8.-10.bekk í grunnskólum á Akureyri. Nemendur í Giljaskóla leituðu að gralinu í fyrsta skipti haustið 2008. Árið 2009 tók Síðuskóli líka þátt. Það ár fundu gralið þær Guðrún Baldvinsdóttir og Lovísa Rut Stefánsdóttir nemendur við skólann. Síðan þá hefur Síðuskóli tekið þátt og fleiri skólar hafa jafnframt bæst í hópinn. Takmark þátttakenda er að finna bikar, hið svokallaða Grenndargral, sem búið er að koma fyrir á vissumstað á Akureyri. Leitin að gralinu tekur 10 vikur og hún fer þannig fram að nemendur, ýmist einir eða tveir saman, fá eina þraut til lausnar í viku hverri. Þraut sem tengist sögu eða menningu Akureyrar og/eða Eyjafjarðar. Við lausn hverrar þrautar fá nemendur einn bókstaf. Markmið þeirra er að safna að lágmarki tíu bókstöfum sem fást við úrlausn þrautanna sem þeir svo nota til aðmynda ákveðið orð. Orðið er nokkurs konar lykilorð og er þekkt úr sögu Eyjafjarðar. Þegar krakkarnir ná að raða saman bókstöfunum og mynda sjálft lykilorðið öðlast þeir rétt til að hefja leit að Grenndargralinu. Þrautirnar tíu munu birtast á heimasíðu Leitarinnar á föstudögum auk þess sem fréttir og tilkynningar munu birtast á facebook-síðu Leitarinnar. Öll vinna nemenda fer fram utan skólatíma og því er um frjálsa þátttöku að ræða. Allar upplýsingar um Leitina má finna á heimasíðu verkefnisins www.grenndargral.is. Framundan eru 10 vikur fullar af spennandi viðfangsefnum og ljóst að keppnin harðnar með hverju árinu. Við viljum hvetja foreldra og aðra sem koma að uppeldi þeirra sem taka þátt í Leitinni til að aðstoða þau við úrvinnslu þrautanna. Leitin er góður vettvangur fyrir fjölskylduna að koma saman og vinna að sameiginlegu verkefni þar sem allir geta fundið eitthvað við sitt hæfi. Allir geta tekið þátt. Umsjónarmaður Leitarinnar í Síðuskóla er Sigrún Sigurðardóttir kennari á unglingastigi.

Norræna skólahlaupið fór fram fimmtudaginn 6. september.   Eftir hlaup var farið í mat / sturtu og verðlaunafhending hófst í íþróttasalnum kl. 12:10. Þar voru tvær stúlkur úr Íslandsmeistaraliði Þórs-KA mættar og hjálpuðu til við verðlaunaafhendinguna. Kærar þakkir fyrir það Sandra María Jessen og Karen Nóadóttir. Árangur nemenda Síðuskóla, og kennara auðvitað, var mjög góður. Úrslitin eru hér fyrir neðan og myndir frá hlaupinu og verðlaunaafhendingunni má finna hér. 1.-4. bekkur strákar1. Ragnar Óli Ragnarsson 4. LHS  17.402. Rúnar Freyr Egilsson 4. SÁ 17.423. Manuel Árni Manuelsson 3. TS 18.45   1.- 4. bekkur stelpur1. B. Írena Sunna Björnsdóttir 3. TS  19.032. Þorgerður Katrín Jónsdóttir 2. SES  20.123. Kristlaug Eva Wium Elíasdóttir 3. EBJ  20.55 5.-7. bekkur strákar1. Haukur Brynjarsson 7.SEB 9.302. Karl Ragúel Pino Alexandersson 6. JÁ  9.503. Sindri Már Sigurðarson 6. HB    9.57 5.-7. bekkur stelpur1. Hulda Karen Ingvarsdóttir 6. HB 2. 10.10 2.Aldís María Jóhannsdóttir 6. HB 11.263. Andrea Ýr Reynisdóttir 5. JS 11.57 8.-10. bekkur strákar1. Jörundur Guðni Sigurbjörnsson 8. HK 8.482. Andri Björn Sveinsson 9. SA  8.493. Þorvaldur Ágúst Jónsson 9. B  9.12 8.-10. bekkur stelpur1. Erla Sigríður Sigurðardóttir 10. bekkur  10.052. Guðrún Brynjólfsdóttir 9. B. 10.303. Rakel Baldvinsdóttir 10. bekkur  10.36

Fimmtudaginn 6. september hefst átakið "Göngum í skólann" sem stendur yfir til 3. okt.  Þann tíma eru allir í skólanum, nemendur og starfsmenn hvattir til að koma gangandi eða hjólandi í skólann (1. bekkur má ekki koma hjólandi).   Íþróttakennarar skólans munu fylgja þessu eftir í íþróttatímum og gera smá könnun á stöðunni í upphafi og við lok tímabilsins. Sjá meira um átakið hér.