ÍSAT

Matseðill fyrir apríl er kominn inn og viljum við minna á að opið er fyrir skráningar í mat. Matseðilinn má finna hér.

Komnar eru inn myndir frá söngsal 1-5 bekkjar. Stjórnandi er Gunnar Halldórsson. Myndirnar má sjá hér.

Lestrarkeppnin í ár var hörkuspennandi og skemmtileg.  Hún stóð frá 2. til 18. febrúar. Alls lásu nemendur hvorki meira né minna en 50.218 blaðsíður  eða að meðaltali 577 bls. á mann.     Viðurkenningar fyrir mjög góðan árangur hljóta:           Axel Þór Jónasson                           4. bekk HL           Bára Dís Sigmarsdóttir                              4. bekk HL           Jörundur G. Sigurbjörnsson            4. bekk SEB           Jelena Kovacevic                              5. bekk 2   Viðurkenningar fyrir miklar framfarir hljóta:           Jenný Björnsdóttir                           4. bekk SEB           Lena Sóley Þorvaldsdóttir               5. bekk 1           Sigmar Pálsson                                 5. bekk 1           Svavar S. Sigurðarson                     5. bekk 1           Harpa Lind Hjálmarsdóttir              5. bekk 2   Lestrarhestar og þeir sem sýndu mestar framfarir fá í verðlaun bókina Undur náttúrunnar, eftir David Burnie.  Bókin er mjög falleg og segir frá  nokkrum merkilegum stöðum og dýrum á jörðinni.   Lestrarhestur í 4. bekk HL er:                   Valgerður Pétursdóttir Mestar framfarir í 4. bekk HL sýndi:        Ingólfur Þór Hannesson     Lestrarhestur í 4. bekk SEB er:                 Hafþór Már Vignisson  Mestar framfarir í 4. bekk SEB sýndi :    Anna Margrét Bragadóttir   Lestrarhestur í 5. bekk 1. er:                     Fríða Björk Einarsdóttir Mestar framfarir í 5. bekk 1 sýndi:           Rósa Guðbjört Austfjörð     Lestrarhestur í 5. bekk 2. er:                     Ingibjörg Íris Kristjánsdóttir Mestar framfarir í 5. bekk 2 sýndi            Aron Marvin Þórarinsson     Og hvort var það svo 4. eða 5. bekkur sem vann þessa keppni..............:) Það er..............................................  5. bekkur, en þau lásu hvorki meira né minna en 34789 blaðsíður samtals.

/* /*]]>*/ Foreldrafélaginu langar til að bjóða foreldrum og/eða forráðamönnum barna í skólanum að koma og hlusta á erindi um örugga netnotkun barna og unglinga. Það er Heimili og skóli og SAFT í samvinnu viðSímann sem standa að fræðsluherferð um þessi mál og er markmiðið m.a. að benda á örugga og jákvæða notkun netsins. Eins og fram kemur í fréttatilkynningu frá þessum aðilum þá er það margt sem þarf að varast; ·        Kannanir SAFT gefa til kynna að netaðgengi grunnskólabarna á Íslandi sé yfir 99%. ·        Niðurstöðurnar gefa til kynna að foreldrar séu ekki nægilega upplýstir um notkun barna sinna á netinu þrátt fyrir að börnin vilji að foreldrar sýni notkun þeirra meiri áhuga. ·        Myspace lokaði síðum hjá tugþúsundum dæmdra kynferðisafbrotamanna 2007, en Myspace er mjög vinsæl félagsnetsíða hjá ungu fólki. ·        Facebook hefur sömuleiðis fengið fjölda ábendinga um dæmda kynferðisafbrotamenn sem leita eftir kynnum við ungt fólk á síðunni. ·        Netleikir eru mjög vinsælir hjá börnum. En í leit sinni af áhugaverðum leikjum lenda þau oft inn á síðum sem bjóða upp á að spilað sé með peninga, oft með ófyrirsjáanlegum afleiðingum. ·        Vísbendingar um aukið einelti á netinu og að börn fari ein á fund við netvin hafa undirstrikað nauðsyn þess að auka þekkingu almennings á því að netið er stór og opinn miðill og að svipaðar samskiptareglur ættu að gilda þar og í daglegum samskiptum á milli manna. ·        Því meira sem foreldrar láta sig varða nethegðun barna sinna því minni líkur eru á að þau taki þátt í áhættuhegðun eða lendi í aðstæðum sem þau ráð illa við     Í erindinu er fjallað um netið sem upplýsingaveitu og tæki til samskipta og þær hættur sem þar kunna að leynast og mikilvægt er fyrir foreldra að þekkja. En til að foreldrar geti talað við börnin sín og leiðbeint þeim um öryggi og góða hegðun þurfa þeir að þekkja það umhverfi sem börnin eru í dags daglega. Leiðbeiningar um “umferðarreglur” á netinu eru því orðinn einskonar hluti af uppeldishlutverkinu. Fjallað verður um tölfræðilegar upplýsingar, rafrænt einelti, friðhelgi einkalífsins, nettælingu og netvini, og hvernig foreldra sjá netnotkun barnanna sinna og svo hvernig börnin upplifa netnotkun sína og samskipti sín við foreldra. Þá mun Síminn kynna Netvarann, sem boðin er viðskiptavinum Símans endurgjaldslaust. Nú er tækifærið að koma og hlusta á þetta áhugaverða erindi, hitta aðra foreldra og rabba saman um kosti og galla netsins.    Fyrirlesturinn er í Brekkuskóla á sal milli kl. 18 - 19 Hlökkum til að sjá ykkur. Foreldrafélagið

 Foreldrar og nemendur Síðuskóla. Við minnum á vetrarfrí Síðuskóla 25. -27. febrúar. Skólastarf hefst aftur 2. mars samkvæmt stundaskrá. Vonum að þið njótið vel frídagana, bestu kveðjur, starfsfólk Síðuskóla.

Fyrir nokkrum dögum gaf Ester Guðbjörnsdóttir, annar af tveimur fulltrúum foreldra í umhverfisnefnd skólans, skólanum tvo stóra góða plastdalla sem gera okkur flokkun auðveldari. Vönduð flokkun er forsenda endurnýtingar og endurvinnslu úrgangs og því er þetta góð gjöf. Við þurfum alltaf að leita að góðum leiðum til að bæta flokkun þannig að minna magn fari til urðunar og vonum við að með því að gera starfið sýnilegra þá leggi sig fleiri fram og árangur verði meiri. Við þökkum Ester kærlega fyrir gjöfina sem og þann áhuga sem hún sýnir starfinu. Í Eyjafirði eru 17 úrgangsflokkar sem íbúar geta flokkað í og eru góðar leiðbeiningar að finna á vefsíðunni http://flokkun.is sem við hvetjum ykkur til að skoða.