ÍSAT

Komið þið sæl, nú getum við afgreitt afganginn af skólafötunum. Þeir sem eiga ósóttar pantanir vinsamlegast komið í skólann (matsalinn) mánudaginn 10. nóv. milli klukkan 17:30 og 18:30. Kærar kveðjur Stjórn FOKS

Þemadagar í Síðuskóla Í næstu viku 11. og 12. nóvember, verða þemadagar í skólanum hjá öllum árgöngum. Yfirskrift þemadaga í ár eru “Fjölgreindaleikar Síðuskóla” þar sem unnið verður eftir fjölgreindakenningu Gardners. Á þemadögum raskast stundarskrá nemenda og eru nemendur búnir með skóladaginn sinn klukkan 14:00 báða daga.

Menntamálaráðherra boðar til opins borgarafundar um ný skólalög á Akureyri 5. nóvember kl. 20:00-22:00 í Kvosinni, Menntaskólanum á Akureyri Fundarstjóri verður Sigrún Björk Jakobsdóttir, bæjarstjóri Fundurinn er opinn borgarafundur á vegum menntamálaráðuneytisins til kynningar á nýrri menntalöggjöf fyrir skólafólk, foreldra, nemendur og annað áhugafólk um skólamál. Menntamálaráðherra og sérfræðingar menntamálaráðuneytisins sjá um kynninguna og svara fyrirspurnum og standa fyrir opinni umræðu að erindum loknum. Er hér um einstakt tækifæri að ræða til að ræða við ráðherra um þær miklu breytingar sem nú er verið að gera á íslenska menntakerfinu.

Þriðjudaginn 4. nóvember er skipulagsdagur í Síðuskóla. Kennsla fellur niður en opið er í Frístund og Árholti frá 7:45 til 13:05 fyrir börn sem á vistun þurfa að halda. (Börn sem eru skráð í Frístund halda sínum tímum). Gjaldið er 200 kr. fyrir klst. og greiðist það í Frístund um leið og barnið kemur. Þeir sem ætla að nýta sér þessa þjónustu látið vita fyrir 31. október. Símanúmerið í Frístund er 461-3473 og er opið eftir kl. 13:30.

Í þessari viku, 20. til 24. október er hin árlega vinnuverndarvika. Fyrri vinnuverndarvikur hafa m.a. fjallað um streitu, vinnuslys, hávaða og líkamlega álagseinkenni. Í ár fjallar vinnuverndarvikan um áhættumat á vinnustöðum. Slagorð vikunnar er:    BÆTT VINNUUMHVERFI BETRA LÍF  ÁHÆTTUMAT OG FORVARNIR ERU LEIÐIN Við viljum einnig benda á heimasíðu vinnuverndarvikunnar en hana má finna hér.       

Skólafötin frá Cintamani eru komin til okkar en því miður vantar þó nokkuð af svörtu peysunum. Við getum afgreitt allar buxur og allar rauðar peysur en því miður fengum við ekki allar svörtu peysurnar.  Endilega komið samt við á auglýstum afhendingartíma og athugið hvort ykkar pöntun sé tilbúin, ef ekki þá fáið þið nánari upplýsingar hvernig staðan er. Við ætlum að afhenda fötin í matsalnum á morgun miðvikudaginn 22. október milli kl. 19 – 20 og á fimmtudaginn milli kl. 16 – 18. Það verður hægt að greiða á staðnum. Peysurnar kosta kr. 5.500,- og buxurnar kr. 3.500,- Einnig verður hægt að fá sendan greiðsluseðil. Upplýsingar um greiðanda þarf að gefa upp við afhendingu.   Stjórn Foreldra- og kennarafélags Síðuskóla

Norræna skólahlaupið verður á morgun miðvikudaginn 15. október, klukkan 11:15. Hvetjum við alla nemendur til að mæta í góðum skóm og viðeigandi fatnaði.

/* Nemendur í 4. og 7. bekk taka samræmd könnunarpróf í íslensku og stærðfræði á fimmtudag og föstudag. Íslenska, fimmtudaginn 16. október kl. 9:30 og stærðfræði, föstudaginn 17. október kl. 9: 30. Frístund verður opin fyrir 4. bekk frá kl 8:00 – 9:30 og frá 12:00 – 13:00 báða prófdagana. Þeir foreldrar sem vilja notfæra sér þjónustu Frístundar eru beðnir um að skrá börn sín í Frístund í síðasta lagi á miðvikudag. Við hvetjum nemendur til að mæta stundvíslega og óskum þeim góðs gengis.  Skólastjórnendur.    

Síðuskóli hefur boðið nemendum í 4. bekk að taka þátt í mentorverkefninu Vináttu í nokkur ár. Á morgun kl. 17:00 er upphafsdagur verkefnisins í ár en þá hitta fjórðu bekkingar í grunnskólanum nemendur í framhaldsskólunum VMA og MA í Kvosinni (salur í MA).