ÍSAT

Skólafötin frá Cintamani eru komin til okkar en því miður vantar þó nokkuð af svörtu peysunum. Við getum afgreitt allar buxur og allar rauðar peysur en því miður fengum við ekki allar svörtu peysurnar.  Endilega komið samt við á auglýstum afhendingartíma og athugið hvort ykkar pöntun sé tilbúin, ef ekki þá fáið þið nánari upplýsingar hvernig staðan er. Við ætlum að afhenda fötin í matsalnum á morgun miðvikudaginn 22. október milli kl. 19 – 20 og á fimmtudaginn milli kl. 16 – 18. Það verður hægt að greiða á staðnum. Peysurnar kosta kr. 5.500,- og buxurnar kr. 3.500,- Einnig verður hægt að fá sendan greiðsluseðil. Upplýsingar um greiðanda þarf að gefa upp við afhendingu.   Stjórn Foreldra- og kennarafélags Síðuskóla

Norræna skólahlaupið verður á morgun miðvikudaginn 15. október, klukkan 11:15. Hvetjum við alla nemendur til að mæta í góðum skóm og viðeigandi fatnaði.

/* Nemendur í 4. og 7. bekk taka samræmd könnunarpróf í íslensku og stærðfræði á fimmtudag og föstudag. Íslenska, fimmtudaginn 16. október kl. 9:30 og stærðfræði, föstudaginn 17. október kl. 9: 30. Frístund verður opin fyrir 4. bekk frá kl 8:00 – 9:30 og frá 12:00 – 13:00 báða prófdagana. Þeir foreldrar sem vilja notfæra sér þjónustu Frístundar eru beðnir um að skrá börn sín í Frístund í síðasta lagi á miðvikudag. Við hvetjum nemendur til að mæta stundvíslega og óskum þeim góðs gengis.  Skólastjórnendur.    

Síðuskóli hefur boðið nemendum í 4. bekk að taka þátt í mentorverkefninu Vináttu í nokkur ár. Á morgun kl. 17:00 er upphafsdagur verkefnisins í ár en þá hitta fjórðu bekkingar í grunnskólanum nemendur í framhaldsskólunum VMA og MA í Kvosinni (salur í MA).

Tímar í íþróttahúsi fyrir skólana í Síðuhverfi veturinn 2008-2009    

Umhverfisdagur Á umhverfisdegi Síðuskóla fór 4. bekkur í gönguferð. Farið var með strætó að Eikarlundi og þaðan gengið fram hjá golfvellinum, um Naustaborgir og endað í Kjarnaskógi. Stoppað var á Hömrum þar sem krakkarnir léku sér góða stund í leiktækjum. Veðrið var frábært þennan dag og allir skemmtu sér vel.      Umbun - andarnefjur Síðastliðinn föstudag fór 4. bekkur í óvissuferð. Farið var með strætó niður í bæ og þaðan labbað og andarnefjur skoðaðar. Myndir má sjá hér.

Öllum skólabörnum boðin mjólk

  Föstudaginn 26. september er skipulagsdagur í Síðuskóla vegna ráðstefnunnar Ný lög ný tækifæri. Kennsla fellur niður en Frístund og Árholt er opin frá 7:45 til 13:05 fyrir börn sem á vistun þurfa að halda. (Börn sem þegar hafa verið skráð í vistun eftir hádegi halda sínum tímum). Gjaldið er 200 kr. fyrir klst. og greiðist það í Frístund um leið og barnið kemur.  Þeir sem ætla að nýta sér þessa þjónustu látið vita fyrir þriðjudaginn 23. september en símanúmerið í Frístund er 461-3473 og er opið eftir kl. 12:30.