ÍSAT

Útivistardeginum sem vera átti í dag er frestað vegna veðurs þannig að í dag verður venjulegur skóladagur. Við tilkynnum um nýja dagsetningu sem fyrst.

Útivistardagur er áætlaður miðvikudaginn 26. mars 2014 ef veður leyfir. Engin hefðbundin kennsla verður þennan dag. Mæting í skólann er kl. 8:00. Farið verður upp í Hlíðarfjall frá skólanum og fyrsta rúta leggur af stað ca. 8:20. Nemendur velja hvort þeir fara á skíði, bretti, gönguskíði, sleða, snjóþotu eða í göngutúr. Fyrir 4. – 10.  bekk er í boði að fá lánaðan búnað í fjallinu og höfum við íþróttakennarar mælt stærð og skráð óskir. Yngstu nemendurnir ( 1. – 3. bekkur ) mega koma með sinn búnað ef þeir eru vanir. Gönguskíðibúnaður er í boði fyrir alla nemendur. Þessi ferð er nemendum að kostnaðarlausu! Nemendur þurfa að koma með skriflegt leyfi að heiman ( í boði fyrir 6. – 10. bekk) ef þeir ætla að vera lengur en til 12:30 uppi í fjalli.   Skóladegi  lýkur kl.  13:15 og nemendur í frístund fara þangað. Nemendur sem eru skráðir í mat borða þegar þeir koma úr fjallinu. Munið eftir næringaríku og góðu nesti og að klæða sig vel. Hjálmskylda er þennan dag og engar undantekningar leyfðar. Hægt er að fá lánaða hjálma í fjallinu. Foreldrar / forráðamenn eru beðnir að fylgjast með því á miðvikudagsmorguninn, ef veður er tvísýnt, hvort farið verður í fjallið áður en nemendur koma í skólann. Það mun birtast á heimasíðunni.

Síðuskóli sigraði Akureyrarriðilinn í Skólahreysti í gær.  Keppendur voru þau Melkorka Ýrr, Inga Sól, Hrannar og Svavar öll úr 10. bekk. Sigurður og Harpa einnig úr 10. bekk voru varamenn. Þetta var frábær frammistaða hjá hópnum en Síðuskóli vann fjórar greinar af fimm keppnisgreinunum. Það var mikil stemning í höllinni og við í skólanum erum afskaplega stolt af þeim. 15. maí verður síðan lokakeppnin í Laugardalshöll, þar sem okkar fólk keppir við sigurvegara úr öðrum riðlum. Fjölmargar myndir voru teknar, bæði af keppendum og stuðningsliði.

Riðlakeppni í skólahreysti fer fram á morgun, miðvikudaginn 12. mars og hefst klukkan 13:00 í Íþróttahöllinni við Skólastíg. Þar fara fram tveir riðlar, annars vegar skólar frá Akureyri og hins vegar skólar af Norðurlandi (utan Akureyrar). Við eigum núna titil að verja þar sem Síðuskóli vann sinn riðil í fyrra og komst í aðalkeppnina í Reykjavík. 5.-10. bekkir fá leyfi eftir hádegi (frá 12.00) til að fara og fylgjast með keppninni.  Það verður ekki kennsla í þessum árgöngum eftir hádegi. Nemendur fara á eigin vegum og það er ekki skylda að mæta þar sem ekki er mögulegt að vera með formlega gæslu á staðnum. Litur Síðuskóla í ár er rauður, endilega fjölmenna í RAUÐU.  Hér má sjá mynd af sigurvegurum síðasta árs.