ÍSAT
Frá árshátíð
06.03.2014
Nú hafa fleiri myndir bæst við frá árshátíðinni.
Ljósmyndari er Benedikt Sigurgeirsson.
Lesa meira
Söguskjóður - kynning miðvikudaginn 12.mars
04.03.2014
Miðvikudaginn 12. mars nk. verður haldin kynning á verkefninu Söguskjóður í bæjarstjórnarsalnum í
Ráðhúsinu.
Söguskjóður er foreldraverkefni sem hefur verið unnið á leikskólunum á Dalvík með góðum
árangri en sérstök áhersla er á að fá foreldra af erlendum uppruna inn í verkefnið enda ljóst að jákvæð viðhorf
og stuðningur foreldra er lykilatriði í farsælli skólagöngu barna.
Verkefnið gengur út á að foreldrar koma inn í leikskólana að skóladegi loknum og búa til
málörvandi gögn tengd barnabókum á íslensku undir leiðsögn verkefnastjóra og kennara leikskólans, boðið er upp á
barnagæslu á öðru svæði leikskólans meðan á vinnunni stendur. Verkefnið er byggt á hollenskri fyrirmynd og má heimfæra
hugmyndafræðina á grunnskóla, hverfamiðstöðvar eða aðrar stofnanir.
Verkefnið hefur margþætt markmið:
það eykur tengsl foreldra við leikskóla/grunnskóla og eflir öryggi foreldra
í sambandi við starf skólanna
það ýtir undir að foreldrar kynnist sín á milli, uppgötvi nýjar
hliðar hvers annars og að þeir blómstri í starfi með leikskólanum óháð tungumáli
það styður við íslenskukunnáttu erlendra foreldra
það verða til góð málörvandi gögn í skólunum sem öllum
foreldrum er síðar boðið að fá lánuð heim til að vinna með börnum sínum
það ýtir undir bóklestur barna og skemmtilegar samverustundir barna og foreldra við lestur, leik og spil
Verkefnið er styrkt af Þróunarsjóði innflytjendamála og fékk nýlega viðurkenningu fyrir
nýsköpun í opinberri þjónustu. Það hefur einnig verið kynnt á morgunverðarfundi um innflytjendamál á vegum Mennta- og
menningarmálaráðuneytisins og á fleiri stöðum.
Lesa meira
Árshátíð Síðuskóla 2014
27.02.2014
Árshátíðin er haldin 27. og 28. febrúar. Flestallir árgangar taka þátt í sýningum og yfir 400 nemendur sem fara á svið.
Þetta hefst aðeins með samstilltu átaki allra, nemenda og starfsmanna.
Hér eru birtar myndir frá öllum sýningunum.
Lesa meira
ÁRSHÁTÍÐIN Í DAG OG Á MORGUN
27.02.2014
Fyrri árshátíðardagurinn er í dag. Síðan snemma morguns eru allir, nemendur og starfsfólk, búnir að vera að skreyta skólann og
undirbúa hann fyrir árshátíðina. Kaffistofur, bíóhús, sýningarsalur, tómstundaherbergi hafa risið út um allan
skóla.
Í fyrradag var generalprufa hjá 10. bekknum en í ár munu útskriftarnemendur sýna frábæra útgáfu af GREASE. Mikil vinna hefur
verið lögð í undirbúninginn og voru myndir teknar af lokaæfingunni, það má sjá nokkrar þeirra hér.
Verðlisti fyrir sjoppu:
Gos 200 kr.
Bland í poka 150 kr.
Svali 150 kr.
Þristur 150 kr.
Rainbow rör 150 kr.
Stinger 150 kr.
Toffý sleikjó 100 kr.
Kit Kat 150 kr.
Litríkir sleikjóar 100 kr.
Kúlu sleikjó 100 kr.
Krap 200 kr.
Góða skemmtun!
Lesa meira
Líf og fjör
26.02.2014
Það er mikið líf og fjör í skólanum þessa dagana.
Það eru mjög mörg atriði að verða tilbúin fyrir árshátíðina og á sama tíma eru hópur nemenda að æfa
á fullu fyrir Skólahreysti.
Hér má sjá nokkrar skemmtilegar myndir sem hafa verið teknar undanfarna daga.
Lesa meira
Árshátíð í næstu viku
21.02.2014
Það er mikið í gangi í skólanum þessa dagana þar sem árshátíð skólans er í næstu viku, 27. og 28.
febrúar. Það eru spenntir nemendur og enn spenntari kennarar sem fara mikinn á sviðinu við æfingar og undirbúning.
Í búrinu eru miklir tæknisnillingar úr unglingadeild og þeir stýra hljóðum og ljósum af mikilli snilld. Það er stutt í
sýningar og atriðin eru að mótast þessa dagana.
Hér má finna dagskrá sýninga og myndir frá
árshátíð síðasta árs.
Lesa meira
100 miðaleikurinn
18.02.2014
100 miðaleikurinn er
árlegur viðburður.
Leikurinn gengur út á það að
í 10 daga eru gefnir 10 hrósmiðar til nemenda sem sýna góða hegðun og eru til fyrirmyndar. Til að fá góða dreifingu á
hrósmiðana gefa 5 starfsmenn 2 miða hvern dag, aldrei sömu starfsmennirnir. Miðarnir eru númeraðir og eru þeir settir á spjald með 10 x10 = 100
reitum.
Skólastjóri ákveður fyrir keppnina vinningsröð sem enginn
nema hann veit um. Verðlaun eru veitt þeim nemendum sem lenda í vinningsröðinni og í ár voru verðlaunin að fara fram í Kaffi Q og
borða þar og skoða fjósið. Mikil ánægja var hjá verðlaunahöfum og eru hér myndir af
þeim frá Kaffi Q sem Sigurgeir Sigurgeirsson tók.
Lesa meira
Snillingarnir - námskeið
14.02.2014
Þjálfun í
samskiptum, tilfinningastjórn og athygli barna með ADHD
Fjölskyldudeild Akureyrarbæjar
býður börnum með ADHD að taka þátt í námskeiði til að efla færni á ýmsum sviðum. Námskeiðið er fyrir
börn fædd árið2004 og 2005 og eru 6 börn í hverjum hóp. Áhersla er lögð á að auka færni barna í
félagslegum samskiptum, skapstillingu, sjálfsstjórn og að bæta athyglisgetu þeirra. Hópurinn hittist tvisvar í viku 2 tíma í senn,
í 5 vikur (10 skipti alls) með tveimur þjálfurum. Eftirfarandi þættir eru teknir fyrir með börnunum í litlum hópum:
Tilfinninga- og reiðistjórnun: Börnunum eru kenndar ýmsar aðferðir við að stilla tilfinningar sínar þegar
það er ekki viðeigandi að sýna þær, m.a. reiðistjórnun í samskiptum. Þar að auki læra þau um tilfinningar, svipbrigði
og áhrif aðstæðna á líðan þeirra og annarra. Sú þekking mun nýtast þeim í samskiptum við aðra.
Félagsfærni:
Farið er yfir atriði eins og hvernig og hvenær er viðeigandi að hefja samskipti við
aðra, samskiptareglur og aukna færni í að setja sig í spor annarra.
Sjálfsstjórn:
Kenndar eru aðferðir sem nýtast við að hamla hvatvísi og auka stjórn á
eigin hegðun.
Þrautalausnir: Farið er yfir aðferðir við að leysa ýmis vandamál sem upp koma á skynsamlegan
hátt. Í því felst að finna valmöguleika í stöðunni, hugsa um mögulega útkomu hvers valmöguleika og velja bestu lausnina til að
ná ákveðnu markmiði.
Athyglisþjálfun:
Í hverjum tíma eyðir hvert barn u.þ.b. 20 mínútum í tölvuforriti sem er ætlað að auka athyglisgetu, vinnsluminni og
vinnsluhraða.
Þjálfarar á námskeiðinu verða Helga
Vilhjálmsdóttir og Guðný Dóra Einarsdóttir sálfræðingar við Sérfræðiþjónustu skóla á
Fjölskyldudeild.
Námskeiðið verður 10. mars–9. apríl, 2014 á mánudögum og
miðvikudögum kl. 16:15-18:15, 10 skipti alls.
Til að sækja um Snillinganámskeiðið vinsamlegast sendið umsókn
á þar til gerðu umsóknarblaði og sendið á Fjölskyldudeild fyrir 24. febrúar.
Umsóknarblað geta forráðamenn fengið hjá skóla eða á Fjölskyldudeild. Nánari upplýsingar hjá Helgu
Vilhjálmsdóttur og Guðnýju Dóru Einarsdóttur í síma 460-1420 eða með tölvupósti á helgav@akureyri.is eða
gudnydora@akureyri.is
Þátttökugjald: kr. 7.000 fyrir námskeiðið
Lesa meira
Skólaval - innritun í skóla að hausti 2014
05.02.2014
Skólaval – innritun nemenda í 1. bekk grunnskóla
Í febrúarmánuði fer fram innritun nemenda sem hefja nám í 1. bekk í
grunnskólum Akureyrar haustið 2014.
Á heimasíðu skóladeildar, http://www.akureyri.is/skoladeild, undir hnappnum Skólaval - grunnskólar, má finna upplýsingar um
grunnskólana á Akureyri, sértæka þjónustu, viðmiðunarreglur um inntöku, rafræn umsóknareyðublöð og fleira. Hver
skóli er með kynningarfund, opið hús,
fyrir foreldra barna sem hefja nám í grunnskóla haustið 2014 og eru foreldrar hvattir til að notfæra sér það tækifæri.
Kynning/opið hús, verður í
grunnskólum Akureyrar í febrúar frá kl. 9:00-11.00:
Glerárskóli og Lundarskóli 11.
febrúar
Giljaskóli og Naustaskóli 12. febrúar
Oddeyrarskóli og Síðuskóli 13. febrúar
Brekkuskóli
14. febrúar
Með kveðju,Ólína Rebekka
Stefánsdóttir, ritariSkóladeild AkureyrarbæjarSími 460-1455Netfang: olina@akureyri.is
Í hverju barni býr
fjárssjóður
Lesa meira
