13.01.2017
Í morgun var 20.000 miða hátíðin hjá okkur í skólanum. Hún
er haldin þegar nemendur hafa safnið þessum fjölda hrósmiða og þá er haldin
hátíð þar sem allir nemendur skólans njóta góðs árangurs. Í ár var Magni
Ásgeirsson tónlistarmaður fenginn til að koma og skemmta. Mikil gleði ríkti í
salnum í morgun og tóku nemendur hraustlega undir með söngnum hjá Magna. Hér má
sjá myndir frá hátíðinni.
Lesa meira
12.01.2017
Þessa vikuna hafa nemendur og starfsfólk mætt í öðruvísi fötum
en venjulega, í gær var t.d. rauður dagur og í dag er náttfatadagur. Í tilefni
rauða dagsins í gær tókum við nokkrar myndir af nemendur sem sjá má hér.
Lesa meira
10.01.2017
Síðuskóli hefur átt mörg undanfarin ár farsælt samstarf við
leikskóla í hverfinu. Einn þáttur þess samstarfs eru heimsóknir. Ein slík var í
morgun þegar hluti elstu nemenda af leikskólanum Öspinni – Krógabóli komu og tóku
þátt í íþróttatíma hjá 1. bekk. Myndin sem fylgir fréttinni sýnir allan hópinn í lok tíma.
Lesa meira
06.01.2017
Í vikunni 9. - 13. janúar stendur nemendaráðið fyrir "öðruvísi dögum" þar sem nemendur eru hvattir til að mæta í öðruvísi fötum en venjulega. Það er gaman ef sem flestir geta tekið þátt og sett þannig svip á skólabraginn :) Hver dagur hefur sitt einkenni:
Mánudagur 9. janúar - Íþróttaföt
Þriðjudagur 10. janúar - Stelpur í strákafötum og strákar í stelpufötum
Miðvikudagur 11. janúar - Rauður dagur
Fimmtudagur 12. janúar - Náttfatadagur
Föstudagur 13. janúar - Sparifatadagur
Lesa meira
22.12.2016
Starfsfólk Síðuskóla óskar nemendum, foreldrum og öðrum velunnurum skólans gleðilegra jóla og farsældar á nýju ári með þökk fyrir samstarfið á árinu sem er að líða.
Nemendur mæta aftur í skólann miðvikudaginn 4. janúar samkvæmt stundaskrá. Þriðjudaginn 3. janúar er skipulagsdagur og Frístund er opin frá 13:00 - 16:15 þann dag.
Lesa meira
19.12.2016
Daglegur lestur er mikilvægur til að efla leshraða og auka almenna færni í lestri. Tilvalið er að lesa í jólafríinu. Lestrarbingó Heimilis og Skóla má nálgast hér ef menn vilja gera lesturinn að leik í jólafríinu.
Bingóspjald 1 Bingóspjald 2
Lesa meira
14.12.2016
Síðasti skóladagurinn þetta árið í Síðuskóla er 21. desember. Þá verða litlu jólin haldin frá klukkan 9:00-11:00. Dagskrá er með hefðbundnu sniði. Það mæta allir í sínar heimastofur klukkan 9:00. Það horfa allir á jólaleikrit 6. bekkjar á sal sem tekur um 20 mínútur en dvelja svo með umsjónarkennara í heimastofum. Þangað koma jólasveinar í heimsókn og færa nemendum mandarínur.
Um klukkan 10:00 verður farið inn í íþróttasal en þar munu allir nemendur skólans ganga saman kringum jólatré og syngja saman gömul og góð jólalög. Dagskrá lýkur klukkan 11:00 þennan morgun. Þá fara nemendur heim, nema þeir sem skráðir eru í Frístund þennan dag. Skóli hefst aftur að jólaleyfi loknu miðvikudaginn 4. janúar samkvæmt stundaskrá.
Lesa meira
14.12.2016
Verkefni er hafið í skólanum sem heitir Kóðinn
1.0 og
snýst um að kynna grunnatriði forritunar fyrir nemendum í 6. og 7. bekk. Það fá
allir nemendur afhenta smátölvu (microbit) sem þeir geta forritað og leikið sér
með. Um er að ræða samstarfsverkefni grunnskóla í landinu og mennta- og
menningarmálaráðuneytis, Samtaka iðnaðarins ásamt fyrirtækjum í tæknigeiranum.
Hægt er að finna upplýsingar um verkefnið á KrakkaRÚV, www.krakkaruv.is . Þegar 6. bekkur fékk sínar smátölvur
afhentar vöktu þær mikinn áhuga, sumir höfðu heyrt af verkefninu aðrir vissu
ekkert hvað þetta var. Þessar myndir, sem hér má sjá, voru teknar þegar þau fengu þær í hendur.
Það fá síðan allir 6.bekkingar að taka sína smátölvu með heim eftir tvær
kennslustundir í skólanum.
Lesa meira
08.12.2016
Í dag byrjuðu allir nemendur skóladaginn á söngsal. Þar voru jólalögin í fyrirrúmi en það voru 2. bekkur og 7. bekkur sem völdu lögin að þessu sinni. Eftir söngsalinn tók við óhefðbundin dagskrá á öllum stigum. Þar var margs konar föndur í boði og nemendur útbjuggu hin ýmsu listaverk. Á unglingastigi var einnig í boði að læra, spila eða horfa á kvikmynd ef föndrið heillaði ekki. Nemendur nutu sín þennan dag eins og meðfylgjandi myndir sýna.
Lesa meira
02.12.2016
Síðustu daga hafa nemendur í 8. bekk heimsótt og kynnt sér starfsemi hinna ýmsu fyrirtækja og starfa. Unnið var úr upplýsingum í skólanum. Allir hópar gerðu veggspjöld og útbjuggu bás og foreldrum og forráðamönnum var síðan boðið í heimsókn til að kíkja á afraksturinn og nemendum í 7. bekk. Kaffi og kökur voru í boði. Hér má sjá myndir.
Lesa meira