17.12.2009
Miðvikudaginn 16. desember fór 3. bekkur í bæjarferð. Jólakötturinn og jólaljósin voru skoðuð.
Þaðan lá leið okkar á Minjasafnið þar sem við fengum fræðslu um jólahald í gamla daga og einnig var sögð saga um draugagang
í Nonnahúsi. Ferðin gekk í alla staði vel og þökkum við foreldrum og Birni bílstjóra kærlega fyrir samveruna og
aðstoðina.
Myndir má sjá hér.
Lesa meira
14.12.2009
Kæru foreldrar og nemendur í Síðuskóla
Nú er aðventan gengin í garð og jólin nálgast. Skólinn hefur verið skreyttur og eru nemendur að vinna að ýmsum verkefnum tengdum
þessum árstíma. Verkefnin eru breytileg eftir árgöngum og sem dæmi má nefna lestur jólabóka á bókasafninu, 6. bekkur
æfir jólaleikrit, skautaferðir og aðventuferðir í Minjasafns- og Glerárkirkju.
Litlu jólin
Litlu jólin eru 18. desember. Nemendum er skipt í tvo hópa. Fyrri hópurinn kemur klukkan 8:30 og sá seinni klukkan 10:30. Niðurröðun bekkja
má sjá hér á eftir. Litlu jólin verða með svipuðu sniði og undanfarin ár. Nemendur hlusta á jólahugvekju, horfa á
jólaleikrit 6. bekkjar og í íþróttasalnum dönsum við í kringum jólatréð. Nemendur fara síðan með
umsjónarkennurum í bekkjarstofur og eiga þar góða stund saman. Jólasveinar koma í stofurnar með glaðning handa þeim. Nemendum er
frjálst að senda bekkjarfélögum jólakort en póstkassar verða fyrir hvern bekk.
Þeir sem ætla að nýta sér frístund fyrir hádegi þann 18. desember eru beðnir um að hafa samband við Ingu í síma
4613473 eða á netfangið ingtraust@akmennt.isfyrir miðvikudaginn 16. desember.
Skólinn hefst aftur eftir jólaleyfi þriðjudaginn 5. janúar klukkan 8:00.
Viðtalsdagur í Síðuskóla er 12. janúar 2010.
Starfsfólk Síðuskóla óskar nemendum og foreldrum gleðilegra jóla og farsæls nýs árs og þakkar samstarfið á
árinu sem er að líða
Niðurröðun bekkja á litlu jólin
Kl. 8: 30
1. bekkur, 2. bekkur MB, 3. bekkur TS
4. bekkur SG, 5. bekkur HL, 6. bekkur EJK 1,
8. bekkur B, 9. bekkur BJ, 10. bekkur SA.
Kl. 10:30
2. bekkur SES, 3. bekkur ASR, 4. bekkur SS,
5. bekkur SEB, 6. bekkur EJK
7. bekkur, 8. bekkur HF, 9. bekkur SBD, 10. bekkur SS.
Lesa meira
11.12.2009
Föstudaginn 11. desember unnu krakkar í 4. og 6. bekk ásamt foreldrum og öðrum fjölskyldumeðlimun saman að því að búa til
jólaskraut. Gerðir voru englar úr eggjabökkum og hnetum, jólakort, óróa o.fl.
Myndir má sjá hér.
Lesa meira
09.12.2009
/*
/*]]>*/
Þriðjudaginn 1. desember afhentu nemendur Rauða krossinum á Akureyri fatnað sem þeir hafa verið að sauma fyrir verkefnið Föt sem framlag. Fötin
voru saumuð í Síðuskóla og Lundaskóla en nemendur voru einnig frá öðrum skólum á Akureyri. Kennarar voru Guðfinna í
Síðuskóla, Hafdís og Jónína Vilborg í Lundaskóla. Alls voru nemendur um 70 talsins. Upphaflega var talað um að fatnaðurinn færi
til Malavi en þessi fatnaður fór til Hvíta Rússlands þar sem Rauði krossinn fékk neyðarkall þaðan um aðstoð.
Myndir frá afhendingunni má sjá hér.
Lesa meira
09.12.2009
/*
/*]]>*/
Hin árlega spurningakeppni Síðuskóla fór fram miðvikudaginn 2. desember. Keppnin var bæði spennandi og skemmtileg. Keppendur og áhorfendur skemmtu
sér mjög vel og voru á allan hátt til fyrirmyndar. Að lokum fór svo að 10. bekkur stóð uppi sem sigurvegari.
Lesa meira
09.12.2009
/*
/*]]>*/
Sigurvegararnir í leitinni að grenndargralinu fengu grenndargralið sjálft afhent við hátíðlega athöfn á sal 2.
desember.
Við erum mjög stolt af því að sigurvegarar í Leitinni að grenndargralinu 2009 komu héðan úr
Síðuskóla þær Lovísa og Guðrún úr 9. bekk BJ.
Leitin að gralinu hófst mánudaginn 31. ágúst og henni lauk fyrir miðjan
nóvember. Alls hófu 36 nemendur keppni, 24 úr Giljaskóla og 12 úr Síðuskóla.
Sextán nemendur kláruðu allar þrautirnar 10 og hlutu viðurkenningar fyrir framúrskarandi árangur.
Hér í Síðuskóla voru það Dagný og Jónanna úr 9.BJ sem hlutu slíka
viðurkenningu.
Keppnin var löng og ströng eins og gefur að skilja. Meðal þess sem keppendur þurftu að kynna sér var
íbúafjöldi á Akureyri árið 1789, hörmulegt slys í Eyjafirði 1954 og tengsl Jóns Sigurðssonar, frelsishetju Íslendinga, við
fyrstu prentsmiðju Akureyringa. Við heimildaöflun þurftu keppendur m.a. að finna styttu Einars Jónssonar, Útlagar, skoða eintak af hinu merkilega
tímariti Norðra og skoða húsið sem hýsti Amtsbókasafnið á Akureyri fyrstu 18 árin. Hér eru þó aðeins nefnd
nokkur dæmi um þau viðfangsefni sem krakkarnir stóðu frammi fyrir. Hörð barátta var á milli keppenda undir lok keppninnar þegar orðið
var ljóst að gralið væri innan seilingar. Óhætt er að segja að keppendur hafi lagt allt í sölurnar til að verða fyrstir að
gralinu.
Við þökkum Giljaskóla, sérstaklega Brynjari Karli Óttarsyni upphafsmanni
grenndargralsins fyrir að bjóða okkur að taka þátt í þessum skemmtilega leik og óskum Lovísu og Guðrúnu
innilega til hamingju með sigurinn.
Lesa meira
04.12.2009
Forráðamenn hótels KEA gáfu öllum nemendum í 1. -5. bekk buff. Á myndunum má sjá krakka í 3. bekk með nýju buffin. Við
viljum nota þetta tækifæri og þökkum kærlega fyrir þessa gjöf.
Myndir
Lesa meira
03.12.2009
Það er árlegur viðburður að slökkviliðsmenn fari í heimsókn í 3. bekk og fræði nemendur um
eldvarnir. Fimmtudaginn 26. nóvember komu tveir þeirra hingað í Síðuskóla. Þeir ræddu um nauðsyn þess að vera með reykskynjara
og slökkvitæki og mikilvægi flóttaleiðar. Einnig fóru þeir yfir hvernig bregðast ætti við ef eldur kemur upp í heimahúsi. Í
lokin fengu börnin að skoða slökkvibíl og sjúkrabíl. Nemendur fylltu svo út getraun og fengu ennisljós og bókamerki frá
slökkviliðinu. Heimsóknin var fræðandi og skemmtileg í alla staði.
Myndir
Lesa meira
03.12.2009
Gerður Kristný rithöfundur, kom í heimsókn og kynnti bækurnar sem hún hefur samið á síðustu árum.
Gerður Kristný sagði nemendum stuttlega frá sjálfri sér og hvað hún hefði gert í sínum frítíma í æsku.
Hún las fyrir krakkana úr bókinni Ballið á Bessastöðum.
Myndir
Lesa meira
27.11.2009
Föstudaginn 27. nóvember komu foreldrar nemenda í 4. bekk að skreyta piparkökur með börnunum.
Myndir má sjá hér.
Lesa meira
