Það var mikið um að vera hjá okkur í skólanum í morgun. Fyrst komu allir nemendur saman á söngsal þar sem sungin voru nokkur lög. Í vetur hefur Heimir Ingimars verið með tónmennt hjá 1.-4. bekk þar sem áhersla er lögð á söng, sjáum við góðan árangur af þessari kennslu þegar komið er saman á söngsal. Að loknum söngsal fóru allir nemendur út og tóku þátt í góðgerðarhlaupi UNICEF. Stofnuð hefur verið söfnunarsíða þar sem gengið er frá greiðslu áheita.
Hér er slóðin á hana: https://sofnun.unicef.is/social/share?object=8ee4f093-46c3-48e1-a203-
Hér má skoða myndir frá því í morgun.
Í næstu viku verður góðgerðarhlaup Síðuskóla, það er hluti af grunnskólaverkefni UNICEF á Íslandi sem kallast UNICEF-hreyfingin. Hlaupið verður föstudaginn 24. maí og er það fræðslu- og fjáröflunarverkefni þar sem íslenskum börnum gefst tækifæri á að fræðast um aðstæður jafnaldra sinna víða um heim og með hollri hreyfingu safna fé fyrir starfi í þágu barna í fátækari ríkjum heims. Í ár fá nemendur fræðslu um loftslagsmál og þær áskoranir sem við stöndum frammi fyrir.
Heitið er á frammistöðu þátttakenda í hlaupinu sem þýðir að styrktaraðilar heita upphæð að eigin vali á hverja vegalengd sem börnin reyna að hlaupa/ganga eins oft og þau geta og vilja innan ákveðins tímaramma. Það sem styrktaraðilar þurfa að gera er að fylla út áheitaupphæð í rétta reiti á áheitablaðinu sem nemandinn kemur með heim. Eftir viðburðadaginn sýnir barnið þeim sem hétu á það heimspassann sinn. Upphæð styrktaraðila er reiknuð út frá áheitum og fjölda límmiða í heimspassanum. Stofnuð hefur verið söfnunarsíða þar sem gengið er frá greiðslu áheita.
Hér er slóðin á hana: https://sofnun.unicef.is/social/share?object=8ee4f093-46c3-48e1-a203-035d5fca9db0&lang=is_IS&redirectUrl=https://sofnun.unicef.is/participant/siduskoli-godgerdarhlaup-24-mai-2024
Öllum nemendum er að sjálfsögðu frjálst að taka þátt í UNICEF hlaupinu og það er ekki nauðsynlegt að finna styrktaraðila til að taka þátt. Með þátttökunni einni er verið að styrkja börn um allan heim því góður hugur og samkennd er mikil gjöf.
Hægt er að fræðast um verkefnið á slóðinni http://www.unicef.is/unicef-hreyfingin
Starfsfólk skólans óskar nemendum og fjölskyldum þeirra gleðilegs sumars og þakkar fyrir veturinn. Vonandi hafa allir það sem best nú þegar sólin hækkar á lofti.
Undanfarna þrjá daga höfum við í skólanum verið með þemadaga þar sem unnið hefur verið með heimsálfurnar, þvert á stig. Vinnan tókst vel, var fjölbreytt og höfðu nemendur gaman af eins og sjá má á þessum myndum.
English below
Í næstu viku, mánudag til miðvikudags eru þemadagar í skólanum. Þemað okkar eru heimsálfurnar og vinna nemendur þvert á árganga s.s. við skiptum upp öllum árgöngum.
Skóladagurinn hefst kl. 8.10 eins og venjulega og lýkur kl. 13.00. Þeir nemendur sem eru skráðir í Frístund fara þangað.
Þið eruð öll velkomin í heimsókn í skólann þessa daga sem og aðra.
Næsta vika er stutt kennsluvika, sumardagurinn fyrsti sem er frídagur og síðan er skipulagsdagur á föstudaginn.
Vonandi fer nú vorið að koma til okkar, gleðilegt sumar!
Kveðja úr skólanum
starfsfólk
Dear parents and guardians
Next week, from Monday till Wednesday there are so called theme days at school.
The theme we are stydying this time is the continents. All classes will be working together in mixed age groups, dealing with different projects.
As usual the school day starts at 8:10 o´clock but ends at 13:00 for all students. Those who have been signed up for Frístund will attend there after one o´clock.
You are all welcome to come visiting us on these days as every other day.
The week will be a short one for the students. We celebrate our national first day of summer on Thursday which is a public holiday, and on Friday we have staff planning day but students have a day off.
Hopefully spring is on the way, we wish you a happy summer!
Greetings from the school
Staff members
Í gær fengu nemendur í 6. -10. bekk tvo rithöfunda í heimsókn. Þau Hildur Knútsdóttir og Alexander Dan Vilhjálmsson heimsóttu okkur með erindi sitt Furðusögur og forynjur en þau hafa bæði skrifað bækur fyrir unglinga og ungmenni.
Höfundamiðstöð RSÍ býður grunnskólum á hverju ári upp á bókmenntadagskrár undir nafninu Skáld í skólum þar sem höfundar heimsækja skólana til að fjalla um bókmenntir af ýmsu tagi.
Við þökkum Alexander og Hildi kærlega fyrir skemmtilega heimsókn, en myndir frá heimsókninni má sjá hér.
Í morgun fengum við góða heimsókn í skólann þegar sviðslistahópurinn Hnoðri í norðri kom og sýndi miðstiginu leikritið Skoffín og skringilmenni. Leikritið er létt hrollvekjuópera með gamansömu ívafi sem byggir á hinum íslenska þjóðsagnaarfi. Við tókum nokkrar skemmtilegar myndir við þetta tækifæri og þær má sjá hér.
Snjallvagninn er fræðsluverkefni sem ferðast á milli grunnskóla út um allt land til að vekja nemendur til umhugsunar um hegðun sína og líðan á netinu. Það er enginn annar en Lalli töframaður sem sér um fræðslu Snjallvagnins en hann notar meðal annars til þess töfra og létt glens.
Barnamenningarhátíð á Akureyri fer fram þessa dagana og liður í henni er Góðgerðar- og menningarkaffihús sem 5. bekkur Síðuskóla hélt í dag. Þar seldu nemendur muni sem þeir hafa búið til undanfarnar vikur ásamt því að flytja tónlistar- og dansatriði. Á kaffihúsinu var boðið upp á veitingar sem nemendur bjuggu sjálfir til. Stórgóð mæting var og nánast fullt út úr dyrum. Nemendur munu á næstunni fara í heimsókn á Barnadeild SAK og færa þeim ágóðann.
Við erum stolt af okkar fólki, bæði nemendum og starfsfólki. Við þökkum foreldrum fyrir þeirra aðstoð og öllum gestum kærlega fyrir komuna og stuðninginn!
Á hverju vori er börnum á aldrinum 6-12 ára boðið að kjósa uppáhalds barnabækur ársins. Nemendur fylla út kjörseðil og skila á bókasafnið.
Barnabókavörður Amtsbókasafnsins safnar saman öllum kjörseðlum frá skólum á Akureyri og dregur út einn heppinn þátttakanda í hverjum skóla.
Að þessu sinni var það Óliver Örn Stefánsson í 3. bekk sem hafði heppnina með sér og fékk fallega og fróðlega bók um líkamann að launum.
