Fréttir

Fimmtudaginn 14. september fór Ólympíuhlaup ÍSÍ fram í Síðuskóla. Hlaupinn var svokallaðu skólahringur en hann er 2,2 km. Úrslit verða tilkynnt á sal næsta fimmtudag. Óhætt er að segja að veðrið hafi leikið við okkur og áttu nemendur og starfsfólk frábæra samveru þennan dag. Hér má sjá myndir frá hlaupinu. 

Nú styttist í að skólalóðin okkar verði tilbúin en í gær var aparólan og klifrugrindin við hliðina á væntanlegum körfuboltavellinum tekin í notkun við mikinn fögnuð nemenda. Búist er við að gamli kastalinn verði lagaður og málaður og hann, ásamt körfuboltavellinum, verði tekinn í notkun áður en langt um líður. Þessar myndir voru teknar í morgun þegar nemendur á unglingastigi voru að mála nýjar merkingar út á skólalóð og skreytingar. Hér má sjá myndir

Á morgun, 30. ágúst, verður farið í gönguferð þar sem nemendur og starfsfólk skólans ganga frá Árskógssandi að Hauganesi. Nemendur mæta í skólann á venjulegum tíma í sínar heimastofur, vel nestaðir og skóaðir. Þar verður tekið nafnakall áður en farið er út í rútur sem fara af stað ca. 8:20.

Skólaslit Síðuskóla verða mánudaginn 5. júní. Árgangar mæta í heimastofur og fara þaðan saman á sal. Skólastjórinn kveður fyrir hönd skólans, síðan fara nemendur í sínar heimastofur þar sem hópurinn er kvaddur. Foreldrar eru að sjálfsögðu velkomnir með sínum börnum. Við miðum við að skólaslitin taki eina klukkustund. Tímasetningar eru sem hér segir:

• Klukkan 9:00 1.-5. bekkur
• Klukkan 10:00 6.-9. bekkur

Útskrift 10. bekkjar kl. 15:00 í Glerárkirkju og kaffi í skólanum á eftir.

Í gær komu verðandi 1. bekkingar í heimsókn í Síðuskóla í fylgd foreldra/forráðamanna. Á meðan foreldrarnir fengu fræðslu um skólann fóru nemendur í sínar stofur í fylgd kennara. Áhuginn skein af þessum flotta hópi verðandi nemenda skólans og ekki annað að sjá en að allir væru tilbúnir að hefja skólagöngu í ágúst. Hér má sjá myndir frá heimsókninni.