Fréttir

Laugardaginn 5. september var haldið upp á 25 ára afmæli Síðuskóla. Myndir frá hátíðinni má sjá hér. ATH: Bætt hefur verið við myndum frá afmælishátíðinni sem má nálgast hér.

Við í Síðuskóla tökum nú í annað sinn þátt í alþjóðlega verkefninu Göngum í skólann. Október er alþjóðlegur skólagöngumánuður - og alþjóðlegi „göngum í skólann“ dagurinn er 9. október 2009. Á Íslandi ákvað verkefnisstjórn að verkefnið hæfist 9. september og ljúki formlega á alþjóðlega Göngum í skólann deginum 9. október næstkomandi. Við settum verkefni okkar með árlegu skólahlaupi okkar. Allir nemendur og starfsmenn hlupu eða gengu skólahringinn. Kennarar hafa síðan kannað í bekkjum sínum hversu margir nemendur koma gangandi, hjólandi, með almenningsvögnum eða með einkabíl í skólann. Í næstu viku (og einnig í vikunni 5. - 9. október) verður skráð í öllum bekkjum hvernig nemendur og starfsmenn koma í skólann. Þá munu einnig verða svokallaðir skólatöskudagar því það er margt sem hafa þarf í huga þegar þessi hlutur er notaður. Markmiðið er að læra hvað gott sé að hafa í huga við val á skólatösku, hversu þung taskan megi vera, og hvernig æskilegast er að bera töskuna og raða sem best í hana. Nemendur þurfa að bera námsgögn á milli heimilis og skóla og því er þetta verkefni valið að þessu sinni. Í skólanum starfar iðjuþjálfi sem mun fara á milli bekkja með hjúkrunarfræðingi og námsráðgjafa. Þeir munu vigta töskur og nemendur og sjá um fræðsluna. Við hvetjum alla nemendur og starfsmenn til að koma gangandi eða hjólandi til vinnu. Það er bæði umhverfisvænt og hollt. Því fylgir góð hreyfing og útivera verður meiri. 

Minnum á að matseðill fyrir september er kominn inn. Hann má nálgast hér.

Á myndasíðu 6. bekkjar eru komnar inn nýjar myndir frá umhverfisdeginum, ferð niður að Hundtjörn og frá siglingu með HúnaII. Myndirnar má sjá hér.

Hér vinstra megin á síðunni hefur verið settur inn hlekkur á viðbragðsáætlun Síðuskóla vegna inflúensu. Viðbragðsáætlun þessi segir fyrir um skipulag og stjórn aðgerða í Síðuskóla í samræmi við áætlun Almannavarna um viðbrögð við heimsútbreiðslu inflúensu. Markmið viðbragðsáætlana skóla eru að tryggja skipulögð og samræmd viðbrögð allra skólastofnana sem og starfsmanna þeirra þegar til inflúensufaraldurs kemur. Biðjum við alla um að kynna sér þessa áætlun. Viðbragðsáætlun vegna inflúensu

Í dag miðvikudaginn 9. september var Norræna skólahlaupið haldið. Hlaupið gekk mjög vel fyrir sig og stóðu nemendur sig mjög vel. Verðlaun voru veitt fyrir fyrstu 3 sætin í hverjum aldursflokk og hér má sjá hverjir náðu bestu tímunum að þessu sinni. Myndir má sjá hér. Til að sjá úrslit hlaupsins smelltu þá á lesa meira.

F.O.K.S. býður upp á súpufund fimmtudaginn 10. september 2009 klukkan 18:00 Dagskrá:Fundarsetning Ávarp skólastjóra Skýrsla stjórnar Afgreiðsla reikninga Alice Harpa Björgvinsdóttir, sálfræðingur flytur fyrirlesturinn. Gaman saman: Mikilvægi jákvæðs hugarfars Kosning í stjórn Önnur mál Gaman væri að sjá sem flesta Stjórn F.O.K.S.

Minnum á að matseðill fyrir september er kominn inn. Hann má nálgast hér.

Til foreldra/forráðamanna Heimsfaraldur inflúensu A(H1N1)v sem ríður yfir um þessar mundir er tiltölulega vægur og skapar því ekki forsendur fyrir skorðum við skólahaldi. Skólastarf á að geta hafist með eðlilegum hætti næstu daga og vikur þrátt fyrir heimsfaraldur inflúensunnar. En seinna þegar faraldurinn er í hámarki getur þurft að taka afstöðu til þess hvort tilteknir skólar geti haldið áfram starfi vegna mikilla fjarvista nemanda og/eða kennara. Skólastjórnendur vinna í samvinnu við menntamálaráðuneyti að samræmdri viðbragðsáætlun vegna inflúensufaraldurs sem stuðlar að samræmdum aðgerðum skóla um allt land. Vakin skal athygli á því að í síbreytilegum faraldri kunna að koma aðstæður þar sem endurmeta þarf aðgerðir. Aðgerðir um þessar mundir miða að því að halda skólastarfsemi gangandi og draga úr smithættu. Helstu leiðir til að draga úr smiti: · Veikist nemandi þannig að einkennin bendi til inflúensu, er honum ráðlagt að halda sig heima í sjö daga frá upphafi veikinda. · Ekki er þörf á því að aðrir sem eru einkennalausir á heimili sjúklings haldi sig heima. · Hreinlæti skiptir mestu máli í að draga úr smithættu. Þar ber fyrst að nefna handþvott og að fólk hafi á sér einnota pappírsþurrkur til að hnerra eða hósta í. · Frekari upplýsingar er að finna á heimasíðu sóttvarnalæknis og almannavarnadeildar ríkislögreglustjóra á www.influensa.is Seltjarnarnesi, 14. ágúst 2009 Sóttvarnalæknir Ríkislögreglustjóri, almannavarnadeild