Fréttir

Þriðjudaginn 28. apríl kl. 17:00 verður kynning á valgreinum næsta skólaár fyrir foreldra nemenda í 8. og 9. bekk og kl. 18:00 fyrir foreldra nemenda í 7. bekk. Kynningarnar fara fram í stofu 31 á B- gangi Ólöf Inga Andrésdóttir deildarstjóri eldri deildar Árný Þóra Ármannsdóttir námsráðgjafi

Miðvikudaginn 15. apríl komu krakkar úr 5.bekk Giljaskóla í heimsókn til þess að kynna sér Grænfánaverkefnið okkar ( flokkunin og moltugerð ) Heimsóknin tókst vel og stóðu krakkarnir sig mjög vel í að kynna fyrir þeim og sýna hvernig við flokkum. Myndir má hjá hér.

Spennandi tilboð fyrir 11-14 ára börn. Árlegar sumarbúðir Norrænu félaganna verða í Hillerød í Danmörku frá 28. júní til 5. júlí með þátttöku 90 barna frá öllum Norðurlöndunum. Boðið verður upp á spennandi kanósiglingu, ýmsar íþróttir, útivist, tónlist og skapandi smiðjur. Norræna félagið í Noregi og Norræna félagið á Akureyri greiða þátttöku tveggja barna frá Akureyri. Skilyrði er að foreldrar séu í Norræna félaginu. Nánari upplýsingar eru á heimasíðu Norrænu upplýsingaskrifstofunnar www.akmennt.is/nu Skráning er með tölvupósti til mariajons@akureyri.is og í síma 462 7000 til og með 29. apríl.

Matseðill fyrir maí/júní er kominn inn og viljum við minna á að opið er fyrir skráningar í mat. Matseðilinn má nálgast hér.

Myndir frá fyrstu árshátíðarsýningunni eru komnar inn á myndasíðuna.

1. apríl var sett upp á Glerártorgi sýning á umferðarverkefni 3. bekkja á Akureyri. Sýningin verður opin fram að páskum. Þar eru myndir sem nemendur hafa unnið og gaman væri að foreldrar kíki á þær með börnunum sínum.

Síðuskóli tekur þátt í Evrópuverkefni sem kennt er við Comenius. Þessu fylgir að nemendur og kennarar fara milli þátttökulanda í heimsókn. Í þessu verkefni eru skólar frá Ítalíu, Slóveníu, Þýskalandi og Noregi auk okkar. Kennarar og nemendur úr Síðuskóla hafa farið í heimsókn til Ítalíu og Noregs og nú erum við með 9 kennara og 15 nemendur í heimsókn í Síðuskóla. Nemendurnir gista á heimilum okkar nemenda og taka þeir þátt í skólastarfinu með þeim. Einnig eru kynningar á verkefnum sem þau hafa verið að vinna að og heimahögum þátttakenda. Auk þess fer hópurinn í kynnisferðir um Akureyri og nágrenni. Í dag er ferðinni heitið í Mývatnssveit og Húsavík. Verkefnið er þroskandi og lærdómsríkt fyrir alla sem að því koma og hefur verið ánægjulegt að hafa þessa góðu gesti í skólanum.

Árshátíð Síðuskóla verður haldin 2. og 3. apríl og af því tilefni breytist stundaskrá þessa daga. Ekki verður kennt fyrir hádegi en sýningar eru eftir hádegi sem hér segir. Fimmtudaginn 2. apríl Klukkan 12:30 verður sýning fyrir nemendur í 1. - 5. bekk. Skemmtikraftar á þeirri sýningu verða nemendur í 5. EJK2, 7. bekkur, 8. KLM, 8. BJ og 10. bekkur. Verð er 200 kr. og verður ball og sjoppa eftir sýningu. Tómstunda- og leikherbergi verða opin. Klukkan 16:00 verður sýning fyrir foreldra. Skemmtikraftar á þeirri sýningu verða nemendur í 2. SÁ, 1. SES, 4. HL, 3. SS, 5. EJK2, 7. bekk, 7. bekk (töfram.), 8. KLM og 10. bekkur. Verð á sýninguna er 500 kr. fyrir fullorðna og 300 kr. fyrir börn. Kaffisala verður eftir sýningu. Verð í kaffi 600 kr. fyrir nemendur í 8. - 10. bekk og fullorðna og 300 kr. fyrir börn í 1. -7. bekk. Frítt fyrir 6 ára og yngri. Boðið er upp á barnagæslu meðan á sýningu stendur. Föstudagurinn 3. apríl Klukkan 15:00 verður sýning fyrir foreldra. Skemmtikraftar á þeirri sýningu verða 4. SEB, 1. MB, 3. SG, 2. ASR, 5. EJK1, 8. BJ og 10. bekkur. Verð á sýninguna er 500 kr. fyrir fullorðna og 300 kr. fyrir börn. Kaffisala verður eftir sýningu. Verð í kaffi 600 kr. fyrir nemendur í 8. - 10.bekk og fullorðna og 300 kr. fyrir börn í 1. - 7. bekk. Frítt fyrir 6 ára og yngri. Boðið er upp á barnagæslu meðan á sýningu stendur. Klukkan 19:30 verður sýning fyrir nemendur í 6. - 10. bekk. Skemmtikraftar á þeirri sýningu verða 7. bekk, 7. bekk (töfram.), 8. KLM, 8. BJ og 10. bekkur. Verð: 500 kr. fyrir 6. og 7. bekk, 700 kr. fyrir 8. - 10. bekk. 500 kr. bara á ball. Ball, sjoppa og kaffihús eftir sýningu. Tómstundaherbergi verður opið eftir sýningu.