ÍSAT

Í morgun fengum við góða gesti þegar leikhópurinn Hnoðri í norðri kom með sýninguna Ævintýri á aðventunni sem er hluti af List fyrir alla verkefninu. 1. – 4. komu á sal og horfðu og skemmtu sér vel. Hér má sjá nokkrar myndir af sýningunni.

Hér er að finna myndir frá árshátíðardögum, fleiri myndir eru væntanlegar. 

Foreldrasýning kl. 13 - fimmtudagur

Foreldrasýning kl. 15 - fimmtudagur

Nemendasýning miðstigs - fimmtudagur

Nemendasýning yngsta stigs - föstudagur

Mánudaginn 21. nóvember er skipulagsdagur í Síðuskóla.  Þá er engin kennsla en Frístund er opin allan daginn. 

Monday 21 th of November the students will not come to school since the staff works on planning next weeks. 

Frístund is open for those children who are registered. If you are not sure about registering your child, you should make contact to Silfá.

Hér má sjá skemmtilegar myndir úr 1. bekk þar sem unnið var á stöðvum í læsisvinnu.

Árlega er 8. nóvember tileinkaður baráttunni gegn einelti. Af því tilefni unnu nemendur á unglingastigi Síðuskóla verkefni því tengdu. Nemendur unnu saman í hópum og bjuggu til forvarnarefni gegn einelti. Meðal annars voru útbúin plaköt í Canva, efni sett á padletvegg og búin til myndbönd.

Hér má sjá myndir frá vinnunni. 

Nemendur í vali á miðstigi voru að gefa út nýtt tölublað af Skólablaði Síðuskóla. Það er fullt af skemmtilegu efni í blaðinu og hvetjum við alla til að skoða blaðið.

Hér má nálgast skólablaðið.

Í morgun var söngsalur í skólanum og fleira gert við það tækifæri. Nemendum var kynnt verkefnið Réttindaskóli UNICEF en Síðuskóli er orðinn þátttakandi í því og er innleiðing þess að hefjast. Einnig komu íþróttakennarar og veittu viðurkenningu þeim bekk er sigraði „Göngum í skólann“ í ár, en það var 3. bekkur sem stóð sig best að þessu sinni.

Fulltrúar umhverfisnefndarinnar komu einnig upp á svið og kynntu samkeppni sem hefur verið í gangi en nemendur fengu að hanna sitt eigið skilti sem bendir fólki á að láta bifreiðar ekki standa í lausagangi. Umhverfisnefndin valdi úr innsendum myndum og sigurvegararnir voru Sóley og Natalía í 5. bekk, Irmelín, Tinna og Ingibjörg í 4. bekk, Alrún og Kristín Mary í 8. bekk og Sveinbjörn í 6. bekk.

Verðlaunamyndirnar verða svo gerðar að skiltum sem hengd verða upp á bílastæði skólans. Hér má sjá myndir frá samkomunni í morgun.

Í morgun æfðum við í Síðuskóla rýmingu og var hún sett upp þannig að allir sem voru með útgönguleið um glugga notuðu hana. Æfingin gekk vel en nauðsynlegt er að æfa rýmingu með reglubundnum hætti til að gæta öryggis nemenda og starfsfólks og öll viðbrögð séu fumlaus komi til rýmingar.