22.09.2016
Eitt af því sem gert er á hverju ári í skólanum er að æfa rýmingu.
Í gær æfðum við rýmingu á A gangi, þar sem yngstu nemendur okkar eru. Þessi
æfing er ekki síst mikilvæg fyrir 1. bekkinga þar sem þau eru að æfa rýmingu
stofunnar í fyrsta sinn. Æfingin gekk mjög vel, og náðist að klára rýmingu á
rúmum fjórum mínútum, frá því bjallan hringi þangað til allir stóðu úti á lóð í
röð tilbúnir í nafnakall. Hér má sjá fleiri myndir.
Lesa meira
21.09.2016
Opinn fundur um verkefnið Foreldrarölt á Akureyri verður í sal Brekkuskóla þann 22. september nk. klukkan 20:00.
Verkefnið er samstarfsverkefni eftirfarandi aðila:
Samtaka - samtök foreldrafélaga
Rósenborg
Skóladeildar
Lögreglunar
Á fundinum munu einstaklingar frá öllum þessum aðilum velta fyrir sér þörfinni á verkefninu, fyrkomulagi o.fl. Fundurinn er opinn öllum.
Samtaka - samtök foreldrafélaga á Akureyri / Skóladeild Akureyrar
Lesa meira
20.09.2016
Í morgun var samkoma á sal í skólanum. Þar kynnti nemendaráð
sig og einnig voru veitt verðlaun fyrir keppnina „Náttúrufræðingur Síðuskóla“
sem fram fór í síðustu viku. Þar tók þátt nemendur í 2. – 10. bekk. Þeim voru
sýndar fimm myndir af fuglum, fimm af plöntum og fimm af stöðum á Íslandi og
áttu að skrifa niður á blað nöfn á því sem þeir þekktu. Sá nemandi sem
vann í ár er Sóley Brattberg, nemandi í 8. bekk. Aðrir nemendur sem fengu verðlaun fyrir góðan
árangur voru Fanney Rún Stefánsdóttir 10. bekk, Sara Dögg Sigmundsdóttir 7.
bekk, Aron Valgeir Guðjónsson 2. bekk og Hákon Rúnar Kelley 2. bekk. Við óskum
þeim öllum innilega til hamingju með árangurinn. Myndin sem fylgir fréttinni er
af vinningshöfunum, en Hafdís Kristjánsdóttir kennari tók við verðlaunum
Sóleyjar en hún var fjarverandi. Fleiri myndir má sjá hér.
Lesa meira
14.09.2016
Á morgun fimmtudaginn 15. september er Dagur íslenskrar náttúru í skólanum. Samkvæmt dagatali er þessi dagur þann 16. september en þar sem er skipulagsdagur á föstudaginn munum við halda upp á daginn á morgun. Stundaskráin er brotin upp og námið fer fram utandyra og vonum við að veðurguðirnir verði okkur hliðhollir. Keppnin um Náttúrufræðing Síðuskóla er alltaf haldin á þessum degi og verður spennandi að sjá hver hlýtur þann titil þetta árið. Skóladeginum lýkur kl. 13.00. Við minnum svo á að á föstudaginn er skipulagsdagur og frístund opin til 12.00 fyrir þá nemendur sem þar eru skráðir.
Lesa meira
08.09.2016
Í dag 8. september er dagur læsis. Þessi dagur er gjarnan helgaður lestri af einhverjum toga í Síðuskóla en nú var ákveðið að prófa samfelldan upplestur á sal. Hver árgangur frá 3. bekk og upp úr fékk 10 mínútna bil að morgninum og átti lesa upp fyrir þá sem vildu hlusta. Þemað í dag var þjóðsögur. Stór hópur nemenda las upphátt fyrir samnemendur, starfsfólk og foreldra sem komu og hlustuðu þegar færi gafst. Þetta var skemmtileg tilbreyting sem gaman væri að endurtaka að ári. Þeir sem lásu stóðu sig með stakri prýði og hlustendur voru til fyrirmyndar, bæði þegar þeir gengu hljóðlega í og úr salnum og líka þegar þeir sátu prúðir og hlustuðu. Hér má sjá nokkrar myndir.
Lesa meira
07.09.2016
Fréttabréf júní
Fréttabréf maí
Fréttabréf apríl
Fréttabréf mars
Fréttabréf febrúar
Fréttabréf janúar
Fréttabréf desember
Fréttabréf nóvember
Fréttabréf október
Fréttabréf september
Fréttabréf ágúst
Lesa meira
07.09.2016
Þann 1. september sl. breyttist útivistartími barna, eða eins og segir í barnaverndarlögum:
"Börn, 12 ára og yngri, mega ekki vera á almannafæri eftir klukkan 20.00
nema í fylgd með fullorðnum. Börn, sem eru á aldrinum 13 til 16 ára, skulu ekki
vera á almannafæri eftir klukkan 22.00, enda séu þau ekki á heimferð frá
viðurkenndri skóla-, íþrótta- eða æskulýðssamkomu. Á tímabilinu 1. maí til 1.
september lengist útivistartími barna um tvær klukkustundir"
Lesa meira
05.09.2016
Þriðjudaginn 6. september verður Norræna skólahlaupið í Síðuskóla. Þetta er árviss viðburður þar sem allir nemendur skólans hlaupa eða ganga ákveðna vegalengd. Lengi hefur verið hefð í Síðuskóla að taka tímann og veita þeim sem fljótastir eru viðurkenningu. Að þessu sinni verður breytt til þar sem engin tímataka verður. Nemendur hafa hins vegar val um að hlaupa 1,2, eða 4 hringi en hringurinn er tæplega tveir og hálfur kílómetri. Nemendur 1. bekkjar fara þó bara einn hring í fylgd kennara.
Hlaupið hefst klukkan 10:25 og nemendur borða hádegismat að hlaupi loknu. Hefðbundinn kennsla hefst svo aftur þegar hlaupi lýkur.
Miðvikudaginn 7. september hefst síðan átakið göngum í skólann. Þá hvetjum við alla til að ganga eða hjóla í skólann í stað þess að þiggja far. Vert er að minna á umferðarlög, 40. grein þar sem nemendum yngri en 7 ára er óheimilt að hjóla í umferðinni nema í fylgd með fullorðnum. Við mælumst til að nemendur í 1. bekk komi gangandi en þeir sem eru í 2. bekk megi koma á hjóli að hausti.
Lesa meira
01.09.2016
Fyrsti bekkur fór í berjaferð í dag og skemmti sér vel í góðu veðri þó lítið hafi verið af berjum. Þegar heim kom teiknuðu þau fínar myndir af berjum og fingramáluðu á léreft með berjum. Hér má sjá myndir.
Lesa meira
01.09.2016
Í ágústfréttabréfinu sögðum við frá nýrri aðstöðu sem búið
er að setja upp fyrir vestan skólann. Þessi aðstaða nýtist okkur í skólanum
mjög vel til útikennslu og útieldunar, og nú þegar hafa kennarar farið með
nemendur út á nýja svæðið. Hverfisnefnd Síðuhverfis stóð að framkvæmdinni sem er
öll til fyrirmyndar. Hér má sjá nokkrar myndir.
Lesa meira