26.02.2018
Miðvikudaginn 21. febrúar sl. var undankeppni stóru
upplestrarkeppninnar haldin hér í Síðuskóla. Þá lásu 12 nemendur úr 7. bekk sem
komust höfðu áfram eftir 1. umferð. Þau stóðu sig öll mjög vel og voru skólanum
til sóma. Valdir voru tveir aðalfulltrúar og einn varafulltrúi til að taka þátt
í úrslitum Stóru upplestrarkeppninnar sem haldin verður í Kvosinni í
Menntaskólanum á Akureyri. Þeir nemendur úr Síðuskóla sem valdir voru í ár eru
Rakel Alda og Elísabet Eik sem aðalmenn og Þorgerður Katrín til vara. Hér má
sjá myndir frá keppninni, en myndin sem fylgir fréttinni er af vinningshöfum ásamt dómurunum, þeim Helgu Hauksdóttur og Sigríði Ásu Harðardóttur.
Lesa meira
23.02.2018
Í dag var haldið skákmót Síðuskóla. Nemendum í 5. - 10. bekk var boðið að taka þátt og skráðu sig nokkrir nemendur til leiks. Fyrirkomulagið var þannig að tefldar voru samtals 5 skákir á tíma og nýjir andstæðingar í hverri umferð. Aron Sveinn Davíðsson í 9. bekk vann allar sínar skákir en keppnin var ansi jöfn og úrslit ekki ljós fyrr en eftir síðustu umferð. Við óskum Aroni til hamingju og þökkum keppendum öllum fyrir góða og drengilega keppni. Áskell Örn Kárason frá Skákfélagi Akureyrar fær bestu þakkir fyrir umsjón með framkvæmd. Þess má geta að Skákfélagið gaf sigurvegaranum eignarbikar. Myndir
Lesa meira
20.02.2018
Opið hús í grunnskólum Akureyrar 2018 verður
22. og 23. febrúar, frá kl. 09:00 - 11:00. Skólunum er skipt niður á þessa tvo
daga eins og hér segir:
Fimmtudaginn 22. febrúar 2018,
kl. 09:00 - 11:00
Brekkuskóli, Glerárskóli, Lundarskóli og Naustaskóli
Föstudaginn 23. febrúar 2018 kl. 09:00 - 11:00
Giljaskóli, Oddeyrarskóli og Síðuskóli
Lesa meira
13.02.2018
Síðustu daga hafa nemendur í 8. bekk heimsótt og kynnt sér starfsemi hinna ýmsu fyrirtækja og starfa. Unnið var úr upplýsingum í skólanum. Allir hópar gerðu veggspjöld og útbjuggu bás og foreldrum og forráðamönnum var síðan boðið í heimsókn til að kíkja á afraksturinn og nemendum í 7. bekk og unglingadeild. Myndir
Lesa meira
06.02.2018
Heilnótan er samkeppni í tónsmíðum fyrir 4.-10. bekk í grunnskólum á Akureyri. Ungt fólk er hvatt til að senda inn tónsmíðar óháð stíl á rafrænu formi, nótnaskrift eða með hljóðritun. Lengd verks má vera 2-7 mínútur. Skilafrestur er 30. mars 2018 á netfangið tonlistarfelagakureyrar@gmail.com
Dómnefnd verður skipuð fagfólki sem velur úr innsendum tónsmíðum. Þau verk sem verða valin verða flutt í byrjun maí af höfundi eða því tónlistarfólki sem höfundur velur í samstarfi við stjórn tónlistarfélagsins.
Lesa meira
02.02.2018
Í gær var útvistardagur Síðuskóla. Þá fóru allir nemendur og
starfsmenn í Hlíðarfjall og skemmtu sér vel. Sumir renndu sér á skíðum á meðan
aðrir renndu sér á brettum, þotum, sleðum eða fengu sér göngutúr í góða
veðrinu. Allir komu heim með bros á vör eftir góðan dag í fjallinu. Hér má sjá myndir frá útvistardeginum.
Lesa meira
30.01.2018
Fimmtudaginn 1. febrúar er fyrirhugaður útivistardagur í Hlíðarfjalli. Þá fara allir nemendur skólans með rútu í Hliðarfjall að morgni og koma til baka kringum hádegi. Þeir sem eru í 6. bekk og eldri mega vera lengur með skriflegu leyfi foreldra.
Spáð er köldu veðri þennan dag og afar mikilvægt að vera vel klæddur. Muna eftir góðu nesti sem auðvelt er að neyta utandyra.
Skóladegi lýkur kl. 12:30 og nemendur sem skráðir eru í frístund fara þangað en aðrir fara heim.
Nemendur sem eru skráðir í mat borða þegar þeir koma úr fjallinu.
• Hjálmaskylda er þennan dag og engar undantekningar leyfðar. Hægt er að fá lánaða hjálma í fjallinu.
Lesa meira
26.01.2018
Föstudaginn 26. janúar er Skákdagurinn haldinn hátíðlegur um allt land. Víða er teflt s.s. í skólum, vinnustöðum, heitum pottum, kaffihúsum og dvalarheimilum svo dæmi séu nefnd. Í Síðuskóla fengum við félaga úr Skákfélagi Akureyrar í lið með okkur og buðum upp á skákfræðslu og tækifæri til tefla í 5. - 10. bekk. Fjölmargir nemendur þáðu boðið og á meðfylgjandi myndum má sjá ánægða og áhugasama nemendur við taflborðin. Hugmyndin er að bjóða upp á skólaskákmót í framhaldi af þessum viðburði en það verður dagsett og auglýst síðar. Skákdagurinn 2018 er tileinkaður Friðriki Ólafssyni, fyrsta stórmeistara Íslendinga og fv. forseta Alþjóða skáksambandsins. Friðrik verður 83ára á Skákdaginn sjálfan. Myndir
Lesa meira
25.01.2018
Laugardaginn 27. janúar 2018 kl 14 verða barnatónleikar í Hömrum í Hofi. Er þessi viðburður hluti af 75 ára afmælisviku Tónlistarfélags Akureyrar. Blásarakvintettinn NorðAustan 5-6 flytur hið sívinsæla tónlistarævintýri um Pétur og úlfinn eftir Prokofiev. Flytjendur eru Hildur Þórðardóttir flautuleikari, Gillian Haworth óbóleikari, Berglind Halldórsdóttir klarinettuleikari, Dagbjört Ingólfsdóttir fagottleikari og Ella Vala Ármannsdóttir hornleikari. Sögumaður er Ívar Helgason.
Miðaverð er 2500 krónur, 20% afsláttur fyrir félagsmenn Tónlistarfélags Akureyrar, frítt fyrir börn yngri en 12 ára í fylgd með fullorðnum. Hægt er að kaupa miða á mak.is og í miðasölu Hofs. Styrktaraðilar þessara tónleika eru Akureyrarstofa, Menningarfélag Akureyrar, Kea, Norðurorka og Rannís.
Lesa meira
19.01.2018
Næstkomandi mánudag og þriðjudag, 22. og 23. janúar, eru
foreldraviðtöl í Síðuskóla. Þá daga mæta foreldrar til viðtals við
umsjónarkennara með barni sínu. Aðrir kennarar verða einnig til viðtals í sínum
heimastofum eftir þörfum.
Lesa meira