Fréttir

Í gær, 16. nóvember, var Dagur íslenskrar tungu en hann er fæðingardagur Jónasar Hallgrímssonar. Stóra upplestrarkeppnin í 7. bekk og Litla upplestrarkeppnin í 4. bekk voru settar á sal snemma morguns eins og venjan er, auk þes sem fjallað var um ævi og feril Jónasar. Síðan hittust vinabekkir og spiluðu þar sem eldri leiðbeindu og hjálpuðu þeim yngri. Nemendur í 4. bekk heimsóttu leikskóla í hverfinu og lásu fyrir börnin þar og stóðu sig með stakri prýði. Myndir frá deginum má sjá hér.

Árshátíð Síðuskóla verður haldin fimmtudaginn 23. og föstudaginn 24. nóvember nk. Á fimmtudeginum hefst skóli klukkan 8:00 og stendur til kl. 13:00 hjá yngstu nemendum en 5.—10.bekkur hættir um hádegisbil. 1. bekkur dvelur í skólanum fram að sýningu kl. 14:30 þennan dag þar sem þeir taka þátt í fyrstu foreldrasýningunni. Eldri nemendur ljúka skóla um hádegi en það getur verið aðeins breytilegt eftir því hvernig stendur á. Klukkan 14:30 hefst fyrsta foreldrasýning og þá tekur við dagskrá samkvæmt meðfylgjandi skipulagi. Á föstudag er engin kennsla samkvæmt stundaskrá heldur mæta nemendur í skólann miðað við skipulag.

Skólapúlsinn er hluti af innra mati skólans. Nemendur leggja mat á ýmsa þætti sem snúa að skólanum og svarar hluti nemenda spurningum nafnlaust reglulega yfir skólaárið. Nú eru komnar niðurstöður þar sem fjórðungur nemenda hefur svarað, sjá hér. Niðurstöður frá fyrri árum eru aðgengilegar hér á heimasíðunni undir mati á skólastarfi.

Í dag, 8. nóvember, er baráttudagur gegn einelti. Við í Síðuskóla komum saman út á lóð í gærmorgun og mynduðum tvö hjörtu á lóðinni, annað var mótað af nemendum og hitt af starsfólki inn í stóra hjartanu. Við vildum með þessu sýna að við í skólanum stöndum saman gegn einelti af öllu tagi, erum góð hvert við annað og sýnum virðingu í samskiptum. Með fréttinni fylgja nokkrar myndir sem teknar voru úr lofti af þessu tilefni. Þær má sjá hér. Gunnar Björn Gunnarsson tók þessar skemmtilegu myndir.

Þriðjudaginn 31. október ætlar 10. bekkur að hafa böll fyrir nemendur 1. – 7. bekkjar í tilefni af hrekkjavöku. Böllin verða sem hér segir: Kl. 16:00 – 17:20 verða 1. og 2. bekkur Kl. 17:30 – 18:50 verða 3. og 4. bekkur Kl. 19:00 – 20:30 verða 5., 6. og 7. bekkur Aðgangseyrir er kr. 500,- á öll böllin. Sjoppan verður einungis opin hjá 3. - 7. bekk. Yngstu krakkarnir, 1. og 2. bekkur, fá hins vegar popp og svala með sínum aðgangseyri. Allur ágóði rennur í ferðasjóð 10. bekkinga.

Nú er nýlokið árlegu átaki Síðuskóla sem ber heitið Göngum í skólann. Markmið verkefnisins er að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni.  Nemendur skráðu hvernig þeir ferðuðust í skólann og þær upplýsingar voru svo teknar saman og settar upp á vegg. 

Erasmusverkefnið Traces of Europe sem Síðuskóli er hluti af er nú hálfnað.  Við erum í samstarfi við skóla í Rúmeníu, sem sérhæfir sig í útikennslu, á Ítalíu, sem er framarlega í upplýsingamennt, í Noregi, sem er mikið með sýnileika verkefna, fjórði skólinn er í Póllandi þar sem við lærum „lært í gegnum leik“  Game based learning,  og svo erum við með Byrjendalæsið.Verkefnið gengur nokkuð vel og nú stendur yfir innleiðing GBL eftir heimsókn okkar til Póllands.  Vonandi verða nemendur varir við það þegar á nóvember líður að kennarar nýti það sem Pólland lagði til í verkefniið.Traces of Erope verkefnið heldur áfram þar til vorið 2019 en þá lýkur verkefninu sem vonandi skilur eftir sig einhverjar hugmyndir handa kennurum sem leiða til nýrra kennsluhátta eða öðruvísi nálgunar á kennsluefnið. Traces of Europe merkið er utan á skólanum við innganginn í íþróttahúsið.

Í dag unnu nemendur og kennarar í 7. bekk að því að pakka gjöfum og góðgæti fyrir verkefnið jól í skókassa. Þetta er lokaspretturinn á þessu skemmtilega árvissa verkefni sem 7. bekkur Síðuskóla hefur unnið að síðustu ár. Svo á bara eftir að skila gjöfunum af sér. Nemendur og starfsfólk hafa síðustu vikur safnað saman varningi af ýmsu tagi til að setja í kassana.  Þessu er síðan pakkað niður og merkt stelpu eða strák og svo viðeigandi aldri. Þeir fara síðan sem jólagjafir til fátækra barna í úkraínu. Hér má sjá myndir af innpökkun í dag.

Föstudaginn 13. október er Bleiki dagurinn! Þennan dag hvetur Krabbameinsfélagið alla landsmenn til að sýna samstöðu með þeim konum sem greinst hafa með krabbamein og klæðast bleiku þennan dag.  Stuðningur okkar allra skiptir máli.