Fréttir

Nemendur 10. bekkjar ásamt foreldrum halda ball fyrir yngsta stig á öskudaginn. Ballið fyrir 1. og 2. bekk hefst kl. 13:45 og stendur til 14:45. Ballið fyrir 3. og 4. bekk hefst 15:00 og lýkur kl. 16:00. Aðgangseyrir er 500 kr. Svali er seldur á 100 kr. Engin sjoppa að öðru leyti en leyfilegt er að hafa með sér öskudagsnammi.

Miðvikudaginn 20. febrúar var undankeppni stóru upplestrarkeppninnar haldin hér í Síðuskóla. Þá lásu 10 nemendur úr 7. bekk en það voru þeir sem höfðu komist áfram eftir fyrstu umferð þegar allir nemendur lásu ljóð og texta. Allir stóðu sig mjög vel og voru skólanum til sóma.

Nemendur skólans söfnuðust saman á sal í morgun. Tilefnið var að tilkynna úrslitin í 100 miða leik skólans, sem er hluti af SMT skólafærninni. Nemendur sem dregnir voru út fóru fyrst heim til Ólafar skólastjóra þar sem þeir gæddu sér á nýbökuðum vöfflum. Í framhaldinu af því var farið í Flugsafnið á Akureyrarflugvelli þar sem Gestur Einar Jónasson tók á móti hópnum og sýndi safnið. Með því að smella á fyrirsögn fréttarinnar má finna hlekk til að skoða myndir frá samverunni og einnig ferð þeira sem voru dregnir út.

Í síðustu viku unnu 3. og 4. bekkur saman að verkefni um Barnasáttmála Sameinuðu þjóðanna og til þess var notuð bókin Rúnar góði. Bókin var lesin í heimakrókum og síðan fóru krakkarnir á mill 6 stöðva og unnu ýmis verkefni. Með því að smella á fyrirsögn fréttarinnar má finna hlekk til að skoða myndir frá þessu skemmtilega verkefni.

Í næstu viku verður furðufatavika hjá okkur í skólanum. Mismunandi þema verður alla dagana. Með því að smella á fyrirstögn fréttarinnar má sjá hvaða þema verður hvaða dag.

Í morgun var söngsalur hjá okkur í Síðuskóla. 1. og 9. bekkur völdu lögin og tóku nemendur vel undir við undirleik Ivan Mendez. Með því smella á fyrirsögnina má finna hlekk þar sem hægt er að skoða myndir.

Í vetur hefur verið í boði skákkennsla fyrir nemendur í 3. og 4. bekk Síðuskóla. Nú gefst þessum nemendum og öðrum börnum sem hafa áhuga kostur á að taka þátt í stóru barnaskákmóti sem verður haldið í Brekkuskóla á skákdaginn 26. janúar kl. 10-12. Vandað verður til mótsins í þetta sinn í tilefni af aldarafmæli Skákfélags Akureyrar. Skráning á staðnum frá kl. 9.30.

Í gær var 20.000 miða hátíðin hjá okkur í skólanum. Hún er haldin þegar nemendur hafa safnað þessum fjölda hrósmiða og þá er haldin hátíð þar sem allir nemendur skólans njóta góðs árangurs. Undafarin ár höfum við haft ýmislegt á dagská, zumba dans, pizzuveislu, tónlistarskemmtun og fleira. Í ár kom Einar Mikael töframaður til okkar og var með töfrasýningu og voru nemendur hæstánægð með sýninguna. Hér má sjá myndir frá þessum skemmtilega viðburði.

Þar sem spáð er töluverðum vindhraða í nótt og á morgun, ásamt því að gul viðvörun er í gildi, vekjum við athygli forráðamanna á verklagsreglum sviðstjóra fræðslusviðs vegna óveðurs eða ófærðar.