Fréttir

Vorhátíð Síðuskóla verður haldin 21. maí kl. 16:30 Ýmislegt skemmtilegt í boði s.s. andlitsmálun, hoppukastali, tombóla, pylsur, pop og svali.

Í dag var þemadagur í skólanum. Fyrri hluta dagsins unnu nemendur margvísleg verkefni á stigunum en í lok dags tóku svo allir nemendur þátt í UNICEF hlaupinu. Með því að smella á fyrirsögn fréttarinnar má fá nánari upplýsingar, en einnig smella á tengil sem inniheldur myndir.

Haustið 2017 stóð Akureyrabær í fyrsta sinn fyrir „skólaleik“. Um er að ræða tveggja vikna aðlögunartímabil leikskólanemenda að grunnskólanum sínum. Með því að smella á fyrirsögn fréttarinnar má fá frekari upplýsingar.

Opnað hefur verið fyrir umsóknir í ungmennaráð heimsmarkmiða Sameinuðu þjóðanna á vef Stjórnarráðsins, stjornarradid.is/umsokn. Óskað er eftir umsóknum frá ungmennum á aldrinum 13 til 18 ára frá öllum landshlutum.

Nú er páskafrí hafið og minnt er á að skólinn er lokaður í vikunni eftir páska. Þá eru skipulagsdagar og stór hluti starfsmanna heldur til Kanada í náms- og kynnisferð. Þeir sem ekki fara í þá ferð fara í styttri náms- og kynnisferðir á Akureyri og nágrenni og sinna ýmsum störfum innan skólans. Frístund er lokuð þessa þrjá daga, þ.e. 23., 24. og 26. apríl. Skóli hefst að nýju mánudaginn 29. apríl samkvæmt stundaskrá.

Í dag var útivistardagur Síðuskóla í Hlíðarfjalli en það hafðist í þriðju tilraun þetta skólaárið. Veðrið var gott og færið og nemendur og starfsmenn nutu útiverunnar.

Er einhver í þínum skóla sem á skilið að fá Viðurkenningu fræðsluráðs! Frá árinu 2010 hefur fræðsluráð veitt þeim sem skarað hafa fram úr í skólastarfi viðurkenningar við hátíðlega athöfn. Viðurkenningarnar eru í tveimur flokkum, þ.e. nemendur og skólar/starfsfólk.

Úrslit Pangeu stærðfræðikeppninnar voru haldin í Menntaskólanum við Hamrahlíð laugardaginn 23. mars. Síðuskóli átti tvo fulltrúa í úrslitakeppninni, þau Hildi Arnarsdóttur í 9. bekk og Mikael Blæ Hauksson í 8. bekk, sem endaði í 3. sæti.