Eflum læsi og verum ástfangin af lífinu :)

Þorgrímur Þráinsson rithöfundur heimsótti Síðuskóla í morgun. Hann flutti erindi fyrir nemendur miðstig sem lið í því að efla læsi á landsbyggðinni. Hann sagði nemendum frá tilurð bóka sinna og hvernig nemendur geta sjálfir skapað sögur út frá eigin reynslu. Hann hvatti þau til að læra tvö ný orð á hverjum degi, því aukinn orðaforði er lykillinn að öflugra læsi. Sjá myndir hér. 

Svo hitti hann nemendur 10. bekkjar með erindið "Verum ástfanginn af lífinu". Hvatning og ráð til að verða sinnar eigin gæfu smiður. Hann fjallaði um samskipti við vini og fjölskyldu, mikilvægi hreyfingar, töfra markmiðasetningar, hvernig á að rækta hæfileika sína, baráttuna við kvíða og hvernig maður getur orðið betri manneskja.