Hin árlega spurningakeppni í 8.-10. bekk fór fram í dag, 20. desember. Allir þátttakendur stóðu sig með prýði en það var lið 10. bekkjar sem stóð uppi sem sigurvegari. Í liðinu voru þau Bryndís Huld, Gunnar Brimir og Sóley Eva. Hér eru nokkrar myndir frá keppninni.
Litlu jólin verða þann 21. desember. Það koma allir í skólann kl. 9.00 og fara heim um kl. 11.00. Fyrst verður hópnum skipt í salinn þar sem nemendur í leiklistarvali á miðstigi sýna jólaleikrit og heimastofur en eftir það hittast svo allir í íþróttasalnum og ganga saman í kringum jólatréð.
Frístund er opin þennan dag frá kl. 8.00-9.00 og 11.00-16.15 fyrir þá sem þar eru skráðir.
Síðustu ár hefur farið fram hurðaskreytingakeppni í Síðuskóla. Úrslit liggja fyrir þetta skólaárið, val dómnefndar var erfitt og hefði hún viljað veita fleiri verðlaun.
Sigurvegari keppninnar í ár er 3. bekkur. Verkið sýnir mikið hugmyndaflug, það er samþætt við margar námsgreinar og þar er að finna mikla natni í útfærslu.
Það er virkilega skemmtilegt að fara um skólann og sjá allar skreytingarnar og lífgar svo sannarlega upp svartasta skammdegið.
Hér eru myndir af öllum hurðunum.
Fimmtudaginn 7. desember var sannkölluð jólastund í Síðuskóla. Dagurinn hófst á jólasöngsal þar sem okkar eini sanni Heimir Ingimars leiddi söng. Í hádeginu var síðan sannkallaður jólamatur á boðstólnum, skinka og tilheyrandi meðlæti.
Hér eru myndir frá verkefni dagsins í 4.bekkk.
Við gerðumst uppfinningamenn og notuðum ýmsan efnivið til að búa til líkan að tækniuppfinningu.
Allir voru búnir að teikna og útskýra sitt líkan og svo var komið að því að framkvæma.
Hér er hlekkur á myndir úr vinnu dagsins.
Í morgun var haldin rýmingaræfing í skólanum í tengslum við að Landssamband slökkviliðs- og sjúkraflutningamanna opnaði eldvarnarátak sitt í Síðuskóla. Eldvarnarátak þetta miðar við að fara í alla grunnskóla á landinu og tala við 3. bekkinga um eldvarnir á heimilum og er þetta í fyrsta sinn sem það er opnað utan höfuðborgarsvæðisins. Áður en æfingin hófst var myndin um Loga og Glóð sýnd og voru umræður á eftir. Í framhaldinu var skólinn rýmdur og var í fyrsta sinn notaður gervieldur til að hafa aðstæður sem raunverulegastar. Að æfingu lokinni fengu starfsmenn að reyna sig við að slökkva eld og nemendur skoðuðu bíla slökkviliðsins. Æfingin heppnaðist mjög vel og hér má sjá myndir frá henni.
Í dag, 16. nóvember, er dagur íslenkrar tungu en það er fæðingardagur Jónasar Hallgrímssonar. Hér í skólanum er ýmislegt gert í tilefni þessa dags. Upplestrarkeppni grunnskólanna á Akureyri, Upphátt, var sett í 7. bekk og nú tekur við tímabil æfinga í upplestri og framsögn hjá þeim. Litla upplestarkeppnin í 4. bekk var einnig sett í dag og í framhaldinu verður unnið markvisst að þjálfun í lestri.
Á unglingastigi var Kappmálskeppni en í henni er öllum nemendum unglingadeildar skipt í 4-5 manna lið. Keppnin er í sex hlutum:
Þetta var skemmtileg tilbreyting þar sem unnið var með íslenska tungu á fjölbreyttan hátt.
Nemendur mættu á söngsal í morgun þar sem raddböndin voru þanin. Að venju var byrjað á Síðuskólalaginu en síðan sungu allir saman lög sem hafa verið æfð undanfarið undir handleiðslu Heimis Ingimarssonar.
Næsti söngsalur verður í desmeber þar sem sungin verða jólalög.
Nemendur í 4. bekk fengu ónýt raftæki til að skoða og taka í sundur. Verkefnið vekur alltaf mikla lukku og er gaman að sjá hvað allir hafa gaman af því að taka í sundur og skoða hvað leynist inni í tækjunum.
Hér eru myndir frá verkefni dagsins í tækniþemanu hjá 4. bekk.
Hér er að finna myndir frá árshátíð skólans, fleiri myndir eru væntanlegar.
Foreldrasýning 9. nóvember kl. 13:00